2010 جىلعى 22ء-شى اقپانداعى قازاقستان رەسپۋبليكاسى ۇكىمەتىنىڭ №104 قاۋلىسىمەن  تاراز قالاسىنىڭ 2010-2025 جىلدىرعا دامۋىنىڭ  باس جوسپارى بەكىتىلگەن بولاتىن. جاڭا باس جوسپار بەكىتىلگەننەن كەيىن تاراز قالاسىنىڭ اۋماعىنا قوسىمشا 5954 گەكتار  جەر تەلىمى قوسىلدى. بەكىتىلگەن باس جوسپار بويىنشا تاراز قالاسىنىڭ اۋماعى 18787 گا قۇرايدى.   

      2011-2017 جىلدارى  باس جوسپار نەگىزىندە  اسقاروۆ كوشەسىنىڭ سوڭىنداعى 312 گەكتار تۇرعىن اۋدانى، 250 گەكتارلىق «كولتوعان» تۇرعىن اۋدانى، 369 گەكتارلىق «قۇمشاعال» جانە «شالعاي قاراسۋ» تۇرعىن اۋدانى، «اراي» القابىنداعى 35 گەكتار، قاراساي القابىنداعى 126،6 گەكتار، حامۋكات القابىنداعى 125 گەكتار، اۆتوبەكەت ماڭىنداعى 539 گا، سۇلەيمەنوۆ كوشەسىنىڭ سوڭىنداعى 362،2 گەكتار،  اراي القابىنداعى 14 گەكتار، اۆتوبەكەت ماڭىنداعى 100 گا اۋماققا، "كازارما" 315 گا تۇرعىن القابىنا ەگجەي-تەگجەيلى جوسپارلاۋ جوبالارى  دايىندالدى.    جامبىل وبلىسى اكىمدىگىنىڭ 2013 جىلعى 30 مامىرداعى "جامبىل وبلىسى ەلدى مەكەندەرىنىڭ باس جوسپارىن ازىرلەۋ جانە ساۋلەتتىك كەلبەتىن جاقسارتۋ تۋرالى" №135 قاۋلىسىنا سايكەس اباي، جامبىل، تولە بي داڭعىلدارىنىڭ جانە تالاس وزەنىنىڭ بويىنا جوسپارلاۋ جوبالارىن دايىنداۋ تاپسىرىلعان بولاتىن. قالا اۋماعىنان باس جوسپاردى جۇزەگە اسىرۋ بويىنشا دايىندالاتىن قالا قۇرىلىسى جوبالارىنا     جامبىل وبلىسى اكىمىنىڭ 13.01.2016 جىلعى №11ء-و وكىمىمەن بەكىتىلگەن «جامبىل وبلىسىن دامىتۋدىڭ 2016-2020 جىلدارعا ارنالعان باعدارلاماسىن ىسكە اسىرۋ جونىندەگى ءىس-شارالار جوسپارى» بويىنشا  2017 جىلعا 311 ملن. تەنگە كولەمىندەگى قارجى قاراستىرىلىپ، بۇگىنگى كۇنگە قالا اۋماعىنداعى دايىندالاتىن قالا قۇرىلىسى جوبالارىنىڭ قۇرمىندا  تولە بي، اباي، جامبىل داڭعىلدارى جانە كومراتوۆ، سۇلەيمەنوۆ، پۋشكين كوشەلەرىنىڭ جوسپارلاۋ جوبالارىن دايىنداۋ جۇمىستارى جۇرگىزىلۋدە. دايىندالىپ جاتقان جوبالاردا قالامىزدىڭ نەگىزگى ماگيسترالدى كوشەلەرىنىڭ ساۋلەتتىك كەلبەتى، كوشە بويىنداعى قۇرلىستاردىڭ ورنالاسۋ ءتارتىبى، قۇرىلىستاردىڭ نىسانالى ماقساتى، قۇرىلىستى رەتتەۋ "قىزىل سىزىقتارى" ناقتىلانىپ، قاسبەتتەرىنىڭ ارلەۋ شەشىمدەرى كورسەتىلەتىن بولادى. سونىمەن قاتار اتالعان كوشەلەردىڭ قايتا قۇرۋ اۋماعىنا كىرەتىن جەرلەردەگى بولاشاقتا سالىناتىن قۇرىلىستاردىڭ ءتۇرى مەن كولەمى انىقتالىپ، اتالعان اۋماقتاعى بۇزىلۋعا جاتاتىن نىساندار ناقتى بەلگىلەنەدى. سونداي-اق وسى كوشەلەردىڭ بويىندا  دەمالىس اۋماقتارىن ورنالاستىرۋ، ساياجايلار مەن سكۆەرلەردى قايتا جاڭعىرتۋ، كوشە بويىنداعى ساۋلەتتىك-كوركەمدىك نىسانداردى ورناتۋ بويىنشا جوبالىق ۇسىنىستار دايىندالۋدا. قالا قۇرىلىسىن جوبالاۋ سالاسىنداعى كەلەسى ماسەلەلەر بۇل قالامىزدىڭ نەگىزگى كوشەلەرىنىڭ ساۋلەتتىك كەلبەتىن جاقسارتۋ جانە قالا اۋماعىندا جۇرگىزىلەتىن قۇرىلىستاردى رەتتەۋ. سونىمەن قاتار تاراز قالاسىنىڭ باس جوسپارىن جۇزەگە اسىرۋ بارىسىندا ءبىرشاما وزگەرىستەر ەنگىزىلگەنى بەلگىلى.      قالا اۋماقتارىنىڭ ساۋلەتتىك كەلبەتىن جاقسارتۋ بويىنشا دايىندالىپ جاتقان تاعى ءبىر نەگىزگى جوبا بۇل ورتالىقتاعى  تاريحي-مادەني اۋماقتى قايتا قۇرۋ جوباسى.  قالا ورتالىعىنداعى  تاريحي-مادەني اۋماقتى قايتا قۇرۋدىڭ باس جوسپاردا كورسەتىلگەن كونسەپسياسى جۇزەگە اسىرىلۋى قيىن جوبا ەكەندىگىن ۋاقىت كورسەتىپ وتىر. ويتكەنى باس جوسپار بويىنشا بەلگىلەنگەن  جوبالىق شەشىم كوپتەگەن اۋماقتاردى  تولىعىمەن بۇزۋ ارقىلى جۇزەگە اسىرىلاتىندىقتان، ەكونوميكالىق تۇرعىدان وتە ءتيىمسىز جانە تاراز قالاسىنىڭ قالىپتاسۋ تاريحىنا تولىق  سايكەس كەلمەيدى. سول سەبەپتى  بۇگىنگى كۇنگە ورتالىق اۋماقتى تاريحي قالىپتاسقان كوشەلەر جۇيەسىن ەسكەرە وتىرىپ، ءتيىمدى ەتىپ قايتا جوبالاۋ جۇمىستارى جۇرگىزىلۋدە. بۇل جوبانىڭ ماقساتى سوڭعى  جينالعان تاريحي-ارحەولوگيالىق  مالىمەتتەردى پايدالانا وتىرىپ  تاريحي ورتالىقتىڭ كەلبەتىن جاقسارتۋدىڭ ءتيىمدى جوباسىن جاساۋ.

 تاراز قالاسى اكىمدىگىنىڭ ساۋلەت جانە قالا قۇرىلىسى ءبولىمى باسشىسىنىڭ مىندەتىن اتقارۋشى ا.مولدابايەۆ