تاراز قالاسى اكىمى اپپاراتىنىڭ احات بولىمشەسى جانە اكىمدىك بولىمدەرىمەن مەملەكەتتىك قىزمەتتەردىڭ 72 ءتۇرى (مەملەكەتتىك كورسەتىلەتىن قىزمەتتەر تىزىلىمىنە سايكەس، 38 - قاعاز جانە ەلەكتروندى تۇردە، 34 – قاعاز تۇرىندە) كورسەتىلەدى. سونىڭ ىشىندە:
- احات بولىمشەسى – 10
- ساۋلەت جانە قالا قۇرىلىسى ءبولىمى– 4
- تۇرعىن جاي-كوممۋنالدىق شارۋاشىلىق، جولاۋشى كولىگى جانە اۆتوموبيل جولدارى ءبولىمى – 6
- دەنە شىنىقتىرۋ جانە سپورت ءبولىمى – 1
- جەر قاتىناستارى ءبولىمى – 5
- ۆەتەريناريا ءبولىمى – 4، ونىڭ ىشىندە، 2ء-ى تاراز قالاسى اكىمدىگىنىڭ ۆەتەرينارلىق قىزمەتىندە
- جۇمىسپەن قامتۋ جانە الەۋمەتتىك باعدارلامالار ءبولىمى – 17، ونىڭ ىشىندە، 3ء-ى حالىقتى جۇمىسپەن قامتۋ ورتالىعىندا
- ءبىلىم ءبولىمى – 25
تاراز قالاسىندا 2018 جىلدىڭ ءى توقسان قورىتىندىسى بويىنشا 30715، (2017ج. جالپى سانى – 183567) مەملەكەتتىك قىزمەت كورسەتىلدى.
- قاعاز تۇرىندە - 10331؛
- مەملەكەتتىك كورپوراسيا ارقىلى - 11147؛
- ەلەكتروندى تۇردە - 9237
بۇگىنگى تاڭدا اكىمدىك بولىمدەرى «ە-اكىمدىك» (بءىلىم، جۇمىسپەن قامتۋ جانە الەۋمەتتىك باعدارلامالار، تۇرعىن جاي-كوممۋنالدىق شارۋاشىلىق، جولاۋشى كولىگى جانە اۆتوموبيل جولدارى بولىمدەرى)، «ە-ليسەنزيالاۋ» (تۇرعىن ۇي-كوممۋنالدىق شارۋاشىلىعى، اۆتوموبيل جولدارى جانە جولاۋشىلار كولىگى، ۆەتەريناريا، ساۋلەت،جانە قالا قۇرىلىسى، جەر قاتىناستارى بولىمدەرى)، حالىققا قىزمەت كورسەتۋ ورتالىعى ىقپالداستىرىلعان اقپاراتتىق جۇيەلەرى ارقىلى تۇتىنۋشىلارعا قىزمەت كورسەتەدى جانە كورسەتىلگەن مەملەكەتتىك قىزمەتتەر بويىنشا كۇندەلىكتى مونيتورينگ جاسالىپ وتىرادى.
تاراز قالاسىندا مەملەكەتتىك كورسەتىلەتىن قىزمەتتەردى الۋشىلاردىڭ مەملەكەتتىك قىزمەت كورسەتۋ ءتارتىبى تۋرالى حاباردار بولۋىن قامتاماسىز ەتۋدىڭ 2018 جىلعا ارنالعان ءىس-شارالار جوسپارى بەكىتىلگەن. جوسپارعا سايكەس بولىمدەرمەن كورسەتىلەتىن مەملەكەتتىك قىزمەتتەردىڭ ساپاسىن جاقسارتۋ مەن «ەلەكتروندىق ۇكىمەت» ۆەب-پورتالى (www.egov.kz) ارقىلى كورسەتىلۋ ۇلەسىن ارتتىرۋ ماقساتىندا قالالىق بۇقارالىق اقپارات قۇرالدارىندا ماقالالار جاريالانىپ، قالا اكىمىنىڭ «taraz-gov.kz» رەسمي سايتىنا، الەۋمەتتىك جەلىلەردە ۆيدەو–روليكتەر مەن اقپاراتتار ورنالاستىرىلىپ، سەمينار-كەڭەستەر، دوڭگەلەك ۇستەلدەر ۇيىمداستىرىلادى. سونداي-اق، تاراز قالاسى اكىمدىگى بولىمدەرىمەن (احات، جۇمىسپەن قامتۋ جانە الەۋمەتتىك باعدارلامالار، ءبىلىم، تجكش، جك جانە اج، ساۋلەت جانە قالا قۇرىلىسى، جەر قاتىناستارى) جانە اكىم اپپاراتى بولىمشەسىمەن (احات) مەملەكەتتىك كورسەتىلەتىن قىزمەتتەر تۋرالى شاعىن بەينەروليكتەر ازىرلەنىپ، «ازاماتتارعا ارنالعان ۇكىمەت» مەملەكەتتىك كورپوراسياسى» كومەرسيالىق ەمەس اكسيونەرلىك قوعامىنىڭ جامبىل وبلىسى بويىنشا فيليالى حالىققا قىزمەت كورسەتۋ ورتالىعى» دەپارتامەنتىنىڭ تاراز قالاسى بولىمدەرىنىڭ وپەراسيالىق زالدارىندا جانە تاراز قالاسى اكىمىنىڭ taraz-gov.kz رەسمي ينتەرنەت-رەسۋرسىندا ورنالاستىرىلدى.
ەلەكتروندىق مەملەكەتتىك قىزمەتتەردى مەملەكەتتىك كورپوراسيا جانە «ەلەكتروندىق ۇكىمەت» ۆەب-پورتالى ارقىلى الۋدى حالىققا تانىمال ەتۋ ماقساتىندا بۇقارالىق اقپارات قۇرالدارىندا ماقالالار جاريالانىپ تۇرادى، مەملەكەتتىك قىزمەت كورسەتەتىن بولىمدەردە وزىنە-وزى قىزمەت كورسەتۋ بۇرىشتارى اشىلدى. سونىمەن قاتار بىرنەشە قىزمەت بويىنشا ۆيدەو-روليكتەر قالا اكىمىنىڭ سايتىنا جانە حالىققا قىزمەت كورسەتۋ ورتالىقتارىندا ورنالاستىرىلدى. ەلەكتروندىق قىزمەتتەردى ناسيحاتتاۋ جانە ولاردىڭ ساپاسىن ارتتىرۋ، جەمقورلىق بايلانىستارىن ازايتۋ ماقساتىندا، اقپان ايىندا م.ماقاتايەۆ اتىنداعى №14 ورتا مەكتەپتە بىرلەسكەن «اشىق مەملەكەت» مەملەكەتتىك كورسەتىلەتىن قىزمەتتەر جارمەڭكەسى ۇيىمداستىرىلىپ، جارمەڭكە بارىسىندا ازاماتتارعا مەملەكەتتىك قىزمەتتەردى كورسەتۋدىڭ سۇرانىسقا يە سالالارى بويىنشا (جەر قاتىناستارى، تۇرعىن ۇي-كوممۋنالدىق شارۋاشىلىعى، ساۋلەت جانە قالا قۇرىلىسى، ءبىلىم بەرۋ، جۇمىسپەن قامتۋ، احات، ۆەتەريناريا، حالىقتى جۇمىسپەن قامتۋ ورتالىعى) قاجەتتى كونسۋلتاتيۆتىك-ادىستەمەلىك كومەك كورسەتىلدى. اتالعان ءىس-شارا شەڭبەرىندە ونلاين قىزمەتتەردى كورسەتۋ مۇمكىندىكتەرىن كەڭەيتۋ، ونىڭ ىشىندە «ەلەكتروندىق ۇكىمەت» پورتالى ارقىلى مەملەكەتتىك قىزمەتتەردى الۋ بويىنشا كەڭ اۋقىمدى جۇمىس جۇرگىزىلدى.
قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى، «ازاماتتارعا ارنالعان ۇكىمەت» مەملەكەتتىك كورپوراسياسى» كە اق جامبىل وبلىسى بويىنشا فيليالى – «حالىققا قىزمەت كورسەتۋ ورتالىعى» دەپارتامەنتى جانە قالا اكىمدىگىنىڭ ۇيىمداستىرۋىمەن 2018 جىلدىڭ 28 ناۋرىزى كۇنى دوستىق ۇيىندە «ءوز بەتىڭشە قىزمەت ال» اكسياسى وتكىزىلدى.
مەملەكەتتىك كورسەتىلەتىن قىزمەتتەر بويىنشا تولىق اقپارات تاراز قالاسى اكىمىنىڭ «taraz-gov.kz» رەسمي سايتىندا «مەملەكەتتىك قىزمەتتەر» پاراقشاسىندا ورنالاستىرىلعان.
قالا اكىمىنىڭ 2017 جىلعى 14 جەلتوقسانداعى №422ء-و وكىمىمەن بەكىتىلگەن مەملەكەتتىك كورسەتىلەتىن قىزمەتتەر ساپاسىنا ىشكى باقىلاۋ جۇرگىزۋدىڭ 2018 جىلعا ارنالعان جوسپارىنا سايكەس ءتيىستى بولىمدەردە باقىلاۋ ءىس-شارالارى جۇرگىزىلدى.
