قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ 2016 جىلعى   11 قاڭتارداعى №168 جارلىعىمەن بەكىتىلگەن دەنە شىنىقتىرۋ مەن سپورتتى دامىتۋدىڭ 2025 جىلعا دەيىنگى تۇجىرىمداماسىن جۇزەگە اسىرۋ جانە نەگىزگى كورسەتكىش بويىنشا بۇقارالىق سپورتپەن شۇعىلدانۋشىلاردىڭ سانىن رەسپۋبليكا كولەمىندە 2020 جىلعا دەيىن 30 پايىزعا جەتكىزۋ تۋرالى تاپسىرماسىن ورىنداۋ جانە سالاۋاتتى ءومىر سالتىن ناسيحاتتاۋ ارقىلى قالا تۇرعىندارىن دەنە شىنىقتىرۋ جانە سپورتپەن شۇعىلدانۋعا تارتۋ ماقساتىندا جۇمىستار جۇرگىزىلىپ جاتىر. قالا تۇرعىندارى جۇيەلى تۇردە دەنە شىنىقتىرۋ جانە سپورتپەن ءشۇعىلدانۋ ءۇشىن تاراز قالاسىنداعى سپورت نىساندارىنا قولجەتىمدىلىگىن ارتتىرۋ ماقساتىندا 517 سپورت نىساندارى جايلى تولىق اقپارات جىل باسىنان بۇقارالىق اقپارات قۇرالدارى جانە تاراز قالاسى اكىمىنىڭ سايتى ارقىلى حالىقتىڭ نازارىنا ۇسىنىلۋدا.

            قازىرگى تاڭدا تاراز قالاسىندا 7 وبلىستىق مامانداندىرىلعان جاسوسپىرىمدەر سپورت مەكتەبى، 6 كاسىبي سپورت كلۋبى، وليمپيادا جەتكىنشەكتەرىن دايارلاۋ ورتالىعى، وبلىستىق  مامانداندىرىلعان سپورتتاعى دارىندى بالالار مەكتەپ ينتەرناتى، جوعارعى سپورت شەبەرلىگى مەكتەبى، دەنە مۇمكىندىگى شەكتەۋلى ادامدارعا ارنالعان سپورت كلۋبى جانە "تاراز-ارەنا" سپورت سارايى جۇمىس اتقارۋدا.

          تاراز قالاسىندا حالىقتىڭ جۇيەلى تۇردە دەنە شىنىقتىرۋ جانە سپورتپەن ءشۇعىلدانۋ ءۇشىن جىل ساناپ جاڭا سپورت نىساندارى بوي كوتەرۋدە. سونىمەن قاتار جەرگىلىكتى بيۋدجەت ەسەبىنەن دە قالاداعى مولتەك اۋدانداردا، شالعاي القاپتار مەن پاركتەردە سپورتتىق الاڭشالار سالىنۋدا.

          اتاپ ايتقاندا 2016 جىلى جاساندى توسەنىشى بار 2 كىشى - فۋتبول الاڭشاسى جانە 7 «Street Workout» سپورت الاڭشالارى سالىنسا، 2017 جىلى    5 كىشى-فۋتبول الاڭشاسى جانە 4 «Street Workout» سپورت الاڭشالارى سالىندى. ال 2018 جىلى 3 امبەباپ سپورت الاڭشاسى جانە 3 «Street Workout» سپورت الاڭشالارىنىڭ سالىنۋى جوسپارلانۋدا.

          سونىمەن قاتار 2018 جىلدىڭ ناۋرىز ايىندا تاراز قالاسىندا «تۋعان جەرگە تۋىڭدى تىك!». ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى وسى باعىت اياسىندا سپورتپەن شۇعىلدانۋشىلاردىڭ سانىن ارتتىرۋ ماقساتىندا «كازفوسفات» ءجشس-نىڭ باس ديرەكتورى مۇقاش زۇلقارناي ۇلى ەسكەندىروۆ "مىڭبۇلاق" (9) مولتەك اۋدانىنداعى №21، 28 ۇيلەرىنىڭ ماڭىندا امبەباپ سپورت الاڭشاسىن سالىپ، حالىقتىڭ پايدالانۋىنا سىيعا تارتى.

          قالا تۇرعىندارى جۇيەلى تۇردە دەنە شىنىقتىرۋ جانە سپورتپەن ءشۇعىلدانۋ ءۇشىن سپورت نىساندارىنا قولجەتىمدىلىگىن ارتتىرۋ جۇمىستارى ودان ءارى جۇرگىزىلەتىن بولادى.

تاراز قالاسى اكىمىنىڭ ورىنباسارى ك.ولجاباي