„ تاراز قالاسىندا يندۋستريالدىق ايماق قۇرۋ ءۇشىن ەكى جەر بەلگىلەنىپ وتىر. ونىڭ ءبىرى بۇرىنعى «حيمپروم-2030» اق ماڭىنان (قازىرگى «تمز» ج ش س) يندۋستريالدىق ايماق قۇرۋ ءۇشىن 48،8 گا جەر تەلىمى، سونىمەن قاتار تاراز قالاسىنداعى اسا-تاراز تاس جولىنىڭ بويىندا («جامبىل گيپس» جانە «تاراز Alina pro» ج ش س اراسىندا) ورنالاسقان 40،2 گا جەر تەلىمى. اتالعان يندۋستريالدى ايماقتارعا قاجەتتى ينفراقۇرىلىمداردى تارتۋ ماقساتىندا جۇمىستار جۇرگىزىلىپ قاجەتتى قاراجات كولەمى انىقتالۋدا. يندۋستريالدىق ايماقتارعا كاسىپكەرلەردى تارتۋ بويىنشا 2016-2018 جىلدارى «جامبىل-تاراز» گازەتىنە ماقالالار بەرىلگەن، تاراز قالاسى اكىمدىگىنىڭ سايتىنا حابارلاندىرۋ جاريالانعان جانە دە كاسىپكەرلەرمەن وتكەن كەزدەسۋلەردە يندۋستريالدىق ايماق جونىندەگى اقپارات ۇزدىكسىز ناسيحاتتالىپ وتىردى. ناتيجەسىندە بۇگىنگى كۇنى ءتورت كاسىپكەر ءوز جوبالارىن ۇسىنىپ، قىزىعۋشىلىق تانىتۋدا. اعىمداعى جىلدىڭ مامىر ايىنىڭ باسىندا جامبىل وبلىسىنىڭ اكىمىنە جوعارىدا اتالعان يندۋستيالدىق ايماقتار بويىنشا ۇسىنىس ەنگىزىلەتىن بولادى. ۇسىنىس وڭ ناتيجەسىن بەرگەن جاعدايدا، يندۋستريالدىق ايماق جونىندەگى مالىمەت بۇقارالىق اقپارات قۇرالدارى ارقىلى قوسىمشا جاريالاناتىندىعىن مالىمدەيمىز.

تاراز قالاسى اكىمدىگىنىڭ كاسىپكەرلىك جانە ونەركاسىپ ءبولىمىنىڭ باسشىسى ن.تۇرىسبەكوۆ