رۋدنىيدا جول اپاتىنان ءبىر ادام قازا تاۋىپ، 10 ادام زارداپ شەكتى، دەپ حابارلادى alau.kz-كە سىلتەمە بەرىپ Qamshy.kz اقپارات اگەنتتىگى.
جول-كولىك وقيعاسى شامامەن ساعات 19.00-دە لەنين مەن ماريتە كوشەلەرىنىڭ قيىلىسىندا بولعان.
ءجىتىقارا - قوستاناي باعىتىندا كەتىپ بارا جاتقان شاعىن اۆتوبۋس پەن BMW سوقتىعىستى.
"جول اپاتىنىڭ سالدارىنان شاعىن اۆتوبۋستىڭ جولاۋشىسى، 1993 جىلى تۋعان ەر ادام وقيعا ورنىندا قايتىس بولدى. 10 ادام ءتۇرلى جاراقاتپەن اۋرۋحانادا جاتىر، ارالارىندا جاياۋ جۇرگىنشى بار"، - دەپ حابارلادى باسپا ءسوز قىزمەتىندەگىلەر. جول اپاتى بولعان جەرگە وبلىستىق جپق باسشىسىنىڭ ورىنباسارى باردى.
