مەملەكەت باسشىسى نۇرسۇلتان نازاربايەۆ قازاقستان حالقىنىڭ بىرلىگى كۇنىندە استانادا مەرەكەنى تويلاۋعا جينالعان حالىقتىڭ الدىنا سويلەگەن سوزىندە اقش پرەزيدەنتى دونالد ترامپپەن كەلىسسوزدەرى جايلى ايتتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.  

"سىزدەر مەنىڭ ىسساپارمەن امەريكادا بولعانىمدى بىلەسىزدەر. سول ەلدىڭ پرەزيدەنتى دونالد ترامپ مەنەن بىلاي دەپ سۇرادى (ونىڭ ارىپتەستەرى ءبىر قاتاردا، ءبىز قاراما-قارسى وتىردىق): "سىزدەر قاي ەلدەرمەن جاۋلاساسىزدار؟" مەن قازاقستاننىڭ ەشقانداي جاۋى جوعىن ايتتىم. سوندا ترامپ بىلاي دەدى: "قاراڭىزدار، قازاقستان ەشكىممەن جانجالداسپايدى، ال ءبىزدىڭ اينالامىزدىڭ بارلىعى جاۋ". اللا وسىمىزدان ايىرا كورمەسىن"، - دەدى نازاربايەۆ. 

ەسكە سالايىق، نۇرسۇلتان نازاربايەۆ استانادا قازاق ەلى مونۋمەنتىنىڭ الدىنداعى الاڭعا مەرەكەنى تويلاۋعا جينالعان حالىقتىڭ الدىنا شىعىپ، ءسوز سويلەدى.