ورىستارعا كوپ سىڭگەن ۇلت ۇلىستار - نەمىستەر، ەۆرەيلەر، گرۋزيندەر دەلىنگەن. ءبىراق ەڭ كوپ سىڭگەندەر- فيننو-ۋگر ەتنوستارى: موردۆا، چۋۆاش، ەرزيا، موكشا، ت.ب. ايتىلماعانداردىڭ ىشىندە تاتارلار. ورىستانعاندار ءوز ونەرىن ، ساۋدا ، بانكيرلەر ەڭبەگى مەن كاپيتالىن رەسەيگە ءسىڭىردى. ورىستىڭ ورىستىعىن ولار بۇزعان جوق، كەرىسىنشى كۇشەيتى.

قازاققا سىڭگەن ۇلتتار مەن ۇلىستار كىمدەر بولعان؟الدىمەن قالماقتار ەڭ كوپ سىڭگەندەر. قالماقتار ويسىرادى سەبەبى جۇڭگو(مانچجۋر ديناستياسى) بيلەۋشىلەرى جانە قازاق قوسىندارى جوڭعار مەملەكەتىن كۇيرەتتى، ال قىتايلار ولارعا گەنوسيد جاسادى، قاشقان قالماقتار قازاق اراسىن پانالادى. بارا كەلە قازاققا ءسىڭدى. قازاققا باشقۇرتتار مەن تاتارلار سىنە باستادى. بۇگىنگى كۇنى وزبەكستاننان كوشكەن قاراقالپاقتار، جەرگىلىكتى وزبەكتەر مەن ۇيعىرلار قازاقتانىپ كەلەدى. قازاق اراسىندا ۇلتارالىق نەكەلەر 6%، جارتىسى ورىسپەن، قالعانى- تاتار، وزبەك، ۇيعىرمەن. ارينە ورىس پەن تاتار مەن نەكەلەسكەندەردىڭ ءبىر بولىگى ورىستانىپ كەتتى. سونىمەن، قازاق اسسيميلياسيادان قۇرىعان جوق، ءسال ءوستى، مادەني تەحنيكالىق دارەجەسى ءوستى. بۇگىنگى كۇنى قازاقستاندا ساياسي ۇلت قۇرعان ءجون. ءبىراق ساياسي قازاق ۇلتىنىڭ ءتىلى قازاق ءتىلى عانا بولۋى كەرەك. ەگەردە قازاق ورىس مەكتەبىنە بارسا ول ورىستانۋدىڭ كەپىلى بولادى. قازاقستاندا جاقىن بولاشاقتا نەگىزىنەن بىرەگەي قازاق مەكتەبى باسىمگەرلىگى بولۋى كەرەك. قازاق ءتىلىنىڭ باسىمگەرلىگى "پوزيتيۆتىك ۇلتتىق ديسكريميناسيا" مەن "نورماتيۆتىك ۇلتشىلدىق" ارقىلى جۇزەگە اسادى. ەكەۋىدە - دەموكراتيالىق تالاپ.

ءازىمباي عالي