قازاقستان رەسپۋبليكاسىنىڭ ەلشىسى ءالىمحان ەسەنگەلدييەۆ اۋعانستان يسلام رەسپۋبليكاسىنىڭ پرەزيدەنتى موحامماد اشراف عانيگە سەنىم گراموتالارىن تابىس ەتتى، دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا اۋعانستان باسشىسى قازاقستاندىق تاراپقا جانە پرەزيدەنت نۇرسۇلتان نازاربايەۆتىڭ جەكە وزىنە اۋعانستاندى قايتا قالپىنا كەلتىرۋگە، ەلدە بەيبىتشىلىك پەن قاۋىپسىزدىك ورناتۋعا باعىتتالعان بارلىق حالىقارالىق جانە وڭىرلىك باستامالارعا ۇنەمى كورسەتىپ وتىرعان قولداۋى ءۇشىن العىسىن ءبىلدىردى.

ول قابىل ءۇشىن قازاقستاننىڭ ورتالىق ازياداعى ەڭ ءىرى ارىپتەسى رەتىندە ەرەكشە ماڭىزدىلىعىن اتاپ ءوتتى. بۇعان ونىڭ تەك 2017 جىلىندا استاناعا جاساعان ەكى ساپارى جانە ق ر پرەزيدەنتىمەن كەلىسسوزدەرى دالەل بولىپ وتىر.

ايتا كەتسەك، قازاقستان اۋعانستاندى قيىن كەزدەردە ءاردايىم قولدادى. اتاپ ايتقاندا، 2002 جىلدان باستاپ 20 ميلليون دوللاردىڭ ازىق-تۇلىگى جەتكىزىلدى، قۇقىق قورعاۋ ورگاندارىنىڭ قىزمەتىن نىعايتۋ ءۇشىن قاراجات اۋدارىلدى جانە اۋعان ستۋدەنتتەرىنىڭ ءبىزدىڭ ەلدە ءبىلىم الۋى ءۇشىن 50 ميلليون دوللار ءبولىندى.

ەسكە سالساق، ەكى ەل اراسىنداعى ديپلوماتيالىق قاتىناستار 1992 ج. 12 اقپاندا ورناتىلدى. 2016 ج. قىورىتىندىلارى بويىنشا قازاقستان مەن اۋعانستان اراسىنداعى تاۋار اينالىمى 489،4 ملن. اقش دوللارىن قۇرادى: ونىڭ ىشىندە ق ر ەكسپورتى – 486،8 ملن. دوللار، يمپورتى – 2،6 ملن. دوللار.

اۋعانستان پرەزيدەنتى ەكى ەل اراسىنداعى ساۋدا-ەكونوميكالىق ىنتىماقتاستىقتى تەرەڭدەتۋدىڭ قاجەتتىگىن باسىپ ايتتى. قازاقستاندىق ىسكەرلەردى اۋعان نارىعىندا، اتاپ ايتقاندا بيداي جەتكىزۋ، اۋعانستان اۋماعىندا قازاقستاندىق كومپانيالاردىڭ ديىرمەن سالۋى، تاۋ-كەن ونەركاسىبىنىڭ وبەكتىلەرى، ەلەكتروەنەرگيا سالالارىندا، تەمىرجول جوبالارىندا جۇمىستارىن بەلسەندەتۋگە شاقىردى. ءوز كەزەگىندە، اۋعاندىق تاراپ قازاقستاندىق نارىققا جەمىس-جيدەك پەن جاڭعاقتاردىڭ تۇر-تۇرلەرىن جەتكىزبەك.

ءا. ەسەنگەلدييەۆ اۋعانستان پرەزيدەنتىنە كورسەتىلگەن قوناقجايلىق ءۇشىن العىسىن ءبىلدىرىپ، قازاقستان پرەزيدەنتىنىڭ اۋعانستانعا، ونىڭ ىشىندە قر-دىڭ بۇۇ قاۋىپسىزدىك كەڭەسىندەگى تۇراقتى ەمەس مۇشەلىگى شەڭبەرىندەگى ءبولىپ وتىرعان ەرەكشە ماڭىزدىلىعىن اتاپ ايتتى. مەملەكەتتەر اراسىنداعى ەكىجاقتى قاتىناستاردى ودان ءارى كەڭەيتۋگە بارىن سالاتىنداعىنا دايىندىعىن جەتكىزىپ، سونداي-اق ەلدى قىسقا مەرزىمدە قالپىنا كەلتىرۋ ىسىندە استانانىڭ قابىلدى تولىقتاي قولدايتىندىعى بويىنشا ۇستانىمى تۋرالى مالىمدەدى.

بۇدان بولەك، قازاقستان ەلشىسى سول كۇنى سىرتقى ىستەر ءمينيسترى سالاحۋددين راببانيمەن جەكە كەزدەسۋ وتكىزىپ، تاراپتار ەكىجاقتى جانە كوپجاقتى ىنتىماقتاستىعىنىڭ كەڭ اۋقىمدى ماسەلەلەرى بويىنشا پىكىر الماستى.