سوڭعى ءۇش تاۋلىكتە شىعىس قازاقستان وبلىسىنداعى وزەن-كولدەردىڭ دەڭگەيى كۇرت كوتەرىلدى. ايماقتاعى «قازگيدرومەت» ماماندارى تاۋلى جەرلەردەگى بۇقتۇرما، كۇرشىم، قالجىر، ءۇلبى جانە ۋبا وزەندەرىندەگى سۋدىڭ دەڭگەيى 24-تەن 77 سانتيمەترگە دەيىن جەتكەنىن حابارلادى.
بۇل شەكتى دەڭگەي سانالماعانىمەن تاۋلى وڭىرلەردە سۋ تاسقىنى بولۋى مۇمكىن. ال وزەندەردىڭ كۇرت كوتەرىلۋىنە ءۇش تۋالىك تولاسسىز جاۋعان جاۋىن-شاشىن اسەر ەتكەن. وعان تاۋلى اۋداندارداعى ەرىگەن قار سۋى قوسىلعان. دەگەنمەن «قازگيدرومەت» ماماندارى وزەندەردەگى سۋدىڭ دەڭگەيىن ءار ەكى ساعات سايىن ولشەپ، مونيتورينگ جاساپ وتىر. ال الداعى 3-4 تاۋىلىكتە كۇن رايى كۇرت سالقىنداپ، كەيبىر تاۋلى اۋدانداردا قار ارالاس جاڭبىر جاۋىپ، اۋا تەمپراتۋراسى -3 گرادۋسقا دەيىن تومەندەۋى مۇمكىن.
