ۇكىمەت قاۋلىسىمەن اسەت قابي ۇلى قۇرمانعالييەۆ ق ر قورعانىس جانە اەروعارىش ونەركاسىبى ۆيسە-مينيسترى قىزمەتىنەن بوساتىلدى دەپ حابارلايدى Qamshy.kz اقپارات اگەنتتىگى ق ر پرەمەر-مينيستىرىنىڭ باسپا ءسوز حاتشىلىعىنا سىلتەمە جاساپ.

 ديرەكتورلار كەڭەسىنىڭ شەشىمىمەن ول  «قازاقستان ينجينيرينگ» ۇك» اق باسقارما ءتوراعاسى لاۋازىمىنا تاعايىندالدى.

اسەت قۇرمانعالييەۆ 1965 جىلى قاراعاندى وبلىسىندا دۇنيەگە كەلگەن. 1993 جىلى بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر» ماماندىعى بويىنشا ءتامامداعان.

ەڭبەك جولىن 1983 جىلى باستاعان. ءار جىلدارى مەملەكەتتىك ورگاندار قۇرىلىمى مەن كوممەرسيالىق كاسىپورىنداردا قىزمەت ەتكەن.  

1998 جىلى ق ر قورعانىس مينيسترلىگىنىڭ قۇجاتتاۋ دەپارتامەنتىنىڭ قۇقىقتىق قامتاماسىز ەتۋ قىزمەتىنىڭ وفيسەرى بولىپ تاعايىندالعان.

1998–2005 جىلدارى ق ر قورعانىس ءمينيسترىنىڭ اپپاراتىندا جۇمىس ىستەدى.

2005–2008 جىلدارى — ق ر قورعانىس مينيسترلىگىنىڭ زاڭ دەپارتامەنتىنىڭ باسشىسى.

2008–2009 جىلدارى «نۇر وتان» حدپ» قب-دە: ورتالىق اپپاراتتىڭ زاڭ دەپارتامەنتىنىڭ ديرەكتورى، ق ر پارلامەنتى ماجىلىسىندەگى «نۇر وتان» فراكسياسىنىڭ اپپارات باسشىسى بولىپ ەڭبەك ەتكەن.

2009 جىلى — ق ر قورعانىس مينيسترلىگىنىڭ اپپارات باسشىسى، القا حاتشىسى.

2010–2011 جىلدارى ق ر قورعانىس ءمينيسترىنىڭ ورىنباسارى قىزمەتىن اتقاردى.

2011–2017 جىلدارى «قازارناۋلىەكسپورت» رمك باس ديرەكتورىنىڭ ۋ.م.ا.، باس ديرەكتورى، استانا قالاسى اۋىل شارۋاشىلىعى باسقارماسىنىڭ باسشىسى قىزمەتتەرىن اتقارعان.

2017 جىلدان باستاپ ق ر قورعانىس جانە اەروعارىش ونەركاسىبى ۆيسە-مينيسترى لاۋازىمىن اتقاردى.