تۇركيا رەسپۋبليكاسىنىڭ كاستامونۋ قالاسىندا "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ «ياساۋي مۇرالارى جانە تۇركىستان» كورمەسى اشىلدى.
تۇركى جۇرتى باس قوسقان تاريحي شاراعا كاستامونۋ قالاسىنىڭ اكىمى تاحسين باباش پەن تۇركسوي حالىقارالىق ۇيىمى باس حاتشىسىنىڭ ورىنباسارى فىرات پۋرتاش جانە "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ديرەكتورى احمەتجانوۆ نۇربولات قادىر ۇلى قاتىسىپ، كورمەنىڭ سالتاناتتى تۇردە لەنتاسىن قيدى.
"كاستامونۋ-تۇركى الەمىنىڭ مادەني استاناسى" جىلى جانە «ازىرەت سۇلتان» مەملەكەتتىك تاريحي-مادەني قورىق-مۋزەيىنە 40 جىل تولۋىنا وراي ۇيىمداستىرىلعان كورمەگە قوجا احمەت ءياساۋيدىڭ جانە قۇل ءازيمنىڭ حيكمەتتەرى، شامامەن 1845 جىلدارى جازىلعان، 326 بەتتەن تۇراتىن قوجا احمەت ءياساۋيدىڭ «ديۋ-اني حيكمەت» كىتابىنىڭ ءتۇپنۇسقاسى، س.باقىرعانيدىڭ «ديۋان» جازباسى، ياساۋي حيكمەتتەرىنە ۇقساس پارسى تىلىندە جازىلعان اۋليە بيدەلدىڭ «ديۋاني بيدەل» حيكمەتتەرى، شامامەن ءحۇىىى ع. اياعىندا تۇركى تىلىندە جازىلعان «ديۋاني حيكمەتتەن» كەيىنگى ياساۋيگە قاتىستى قۇندى كىتاپ -
بۋستان ۋل-مۋحيببين قولجازباسى مەن كوپتەگەن قۇندى جادىگەرلەر جەتكىزىلگەن.
سونداي-اق، قوجا احمەت ياساۋي جانە تۇركىستان جايىنداعى سۋرەتتەرمەن قاتار وڭتۇستىك قازاقستان وبلىسىنىڭ تاريحي، كيەلى ورىندارىن بەينەلەيتىن 100-دەن اسا تۋىندىلار دا تۇركىتىلدەس ەلدەر نازارىنا ۇسىنىلۋدا.
"تۇركىستاننان جەتكەن تۋىندىلار بارشا تۇركى جۇرتى ءۇشىن ەڭ ماڭىزدى جاعداي. قوجا احمەت ءياساۋيدىڭ ءومىرى مەن تاريحىنان سىر شەرتەتىن جادىگەرلەرمەن بىرگە قاسيەتتى بابانىڭ دا رۋحى جەتكەندەي ەرەكشە اسەردەمىز. بارشا تۇركيا ەلىن، كاستامونۋ قالاسىنىڭ حالقى مەن بۇگىنگى جيىنعا قاتىسۋشى قوناقتاردى تاريحي كورمەنىڭ اشىلۋىمەن شىن جۇرەكتەن قۇتتىقتايمىن"-دەدى، كاستامونۋ قالاسىنىڭ اكىمى تاحسين باباش.
"كيەلى تۇركىستاننان جەتكەن تاريحي جادىگەرلەردى قۇرمەت تۇتىپ، باس يە كەلگەن حالىقتىڭ دا قاراسى وتە مول. ايتۋلى جىلدارعا وراي ۇيىمداستىرىلعان كورمە اياسىندا "ازىرەت سۇلتان" مەملەكەتتىك تاريحي-مادەني قورىق-مۋزەيى عانا ەمەس، وڭتۇستىكتىڭ تاريحي ورىندارى دا كەڭىنەن ناسيحاتتالۋدا"-دەيدى، قورىق-مۋزەيدىڭ باسشىسى ن.احمەتجانوۆ.
«ياساۋي مۇرالارى جانە تۇركىستان» كورمەسى تۇركسوي حالىقارالىق ۇيىمىنىڭ ۇيىمداستىرۋىمەن اعىمداعى جىلدىڭ 15 مامىرىنا دەيىن تۇركيا رەسپۋبليكاسىنىڭ كاستامونۋ، انكارا، بۋرسا قالالارىندا وتەتىن بولادى.
