سيرەك كەزدەسەتىن سىرقاتىمەن ەل نازارىنا تۇسكەن اتىراۋلىق نۇرجان وركەشبايەۆ ءوز جاڭالىعىن جاريا ەتتى، دەپ حابارلايدى Qamshy.kz اقپارات اگەنتتىگى Nur.kz سايتىنا سىلتەمە جاساي وتىرىپ. ەرتە قارتايعان قازاق بالاسى ەكىنشى رەت وتباسى قۇرعالى جاتىر.

«نەكەمدى قيعالى جاتىرمىن. ازىرگە مەنىڭ جاڭالىعىم وسى. ول اداممەن قۇلسارىعا قوناققا بارعانىمدا تانىسقان ەدىم. اللا قالاسا بولاشاق جارىم بولادى دەگەن نيەتتە وتىرمىن. ۇلان اسىر ۇلكەن توي بولمايدى. اعايىن تۋىستى شاقىرىپ بەتاشار جاساپ، نەكەمىزدى قيامىز»، — دەيدى نۇرجان وركەشبايەۆ.
نۇرجاننىڭ بولاشاق جارى — «اداي» رۋىنان شىققان 24 جاستاعى بويجەتكەن اقتاۋ قالاسىنان ەكەن. «ازىرگە بىرگە سۋرەتكە تۇسكەن جوقپىز. بولاشاق جارىم فوتوسىن جاريا ەتۋگە قىسىلىپ تۇر. ءبىراق مىندەتتى تۇردە بۇل قۋانىشتى سىزدەرمەن بولىسەتىن بولامىن»، — دەيدى نۇرجان.
بۇعان دەيىن شاڭىراق كوتەرىپ، جارىمەن اجىراسىپ كەتكەن ازامات كەلەسى نەكە قيۋ ءراسىمىن مامىر ايىنا جوسپارلاپ وتىر.

ەستەرىڭىزگە سالا كەتسەك، بۇعان دەيىن اتىراۋلىق نۇرجان وركەشبايەۆ ەلدەن ءسۇيىنشى سۇرايتىنداي جاڭالىعى بار ەكەنىن ايتقان بولاتىن.