مەملەكەت باسشىسى قازاقستان رەسپۋبليكاسىنىڭ جەر زاڭناماسىن جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى Qamshy.kz اقپارات اگەنتتىگى ەگەمەن قازاقستان گازەتىنە سىلتەمە جاساپ.

اتالمىش زاڭعا سايكەس، ەندى شەكارالىق ايماقتاردا ورنالاسقان جەر تەلىمدەرىن جەكەمەنشىككە بەرۋگە جانە پايدالانۋعا رەسمي تۇردە تىيىم سالىنادى.

مەملەكەت باسشىسى، سونىمەن قاتار، مەملەكەت باسشىسى «قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى اۋعانستان يسلام رەسپۋبليكاسىنىڭ تۇراقتىلىعى جانە قايتا قالپىنا كەلتىرۋ جونىندەگى ءىس-قيمىلعا امەريكا قۇراما شتاتتارىنىڭ قاتىسۋىنا بايلانىستى قازاقستان رەسپۋبليكاسىنىڭ اۋماعى ارقىلى ارنايى جۇكتىڭ كوممەرسيالىق تەمىر جول ءترانزيتىن قامتاماسىز ەتۋ تۋرالى كەلىسىمگە وزگەرىس ەنگىزۋ تۋرالى حاتتامانى راتيفيكاسيالاۋ تۋرالى»  قازاقستان رەسپۋبليكاسىنىڭ زاڭىنا جانە «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى ديپلوماتيالىق وكىلدىكتەردىڭ عيماراتتارىن سالۋ ءۇشىن جەر ۋچاسكەلەرىن ءوزارا بەرۋ تۋرالى كەلىسىمدى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى.