گەنناديي گولوۆكينمەن جۇدىرىقتاسقان ۆانەس مارتيروسيان ءوزىنىڭ ينستاگرام پاراقشاسىندا قازاقستاندىق بوكسشىدان جەڭىلگەنىنە وكىنبەيتىنىن جازدى، دەپ حابارلايدى Qamshy.kz اقپارات اگەنتتىگى. 

«مەن گولوۆكيندى سىيلايمىن. مىقتى بوكسشىمەن ءبىر رينگتە جەكپە-جەككە شىعۋ مەن ءۇشىن زور مارتەبە. مەن ءوز كوماندام مەن جانكۇيەرلەرىمە قولداۋلارى مەن ماحابباتتارى ءۇشىن العىسىمدى بىلدىرگىم كەلەدى» دەپ جازدى ۆانەس مارتيروسيان.

vesti.kz پورتالىنىڭ مالىمەتىنە سايكەس، مارتيروسيان گولوۆكينمەن جۇدىرىقتاسۋى مۇمكىن مەكسيكاندىق بوكسشى ساۋل الۆارەسكە ءوز كەڭەسىن ايتقان.

«كانەلو» ءالى كوپ نارسەنى دالەلدەۋ كەرەك. گولوۆكيننىڭ اناۋ ەتتى نەلىكتەن جەگەنىن ءتۇسىندىم. ەگەر گولوۆكين 36 جاسىندا وسىنداي دەڭگەيدە جۇدىرىقتاساتىن بولسا ول ناعىز ەركەك ەكەن... مەن ونىڭ كىم ەكەنىن ءتۇسىنۋ ءۇشىن جەكپە-جەككە شىقتىم. ول مەنىڭ وسال جەرىمنەن بىردەن ۇستاپ الدى. گولوۆكين وتە جاقسى جۇمىس ىستەدى. مەنىڭ كانەلوعا ايتار اقىلىم – قاش»، - دەدى ول جەكپە-جەكتەن كەيىن وتكەن كونفەرەنسيادا.

ايتا كەتەيىك، كەشە گەنناديي گولوۆكين مەن  ۆانەس مارتيروسيان جۇدىرىقتاسقان. گەنناديي ۆانەستى ەكىنشى راۋندتا نوكاۋتپەن جەڭگەن بولاتىن.