قازاقستان ازاماتشاسى تاتيانا بەرەجنايا ەكى قىزىمەن بىرگە يوردانيادا شەتەلدىك كۇيەۋىنىڭ تۇتقىنىندا بولعان. ايەل يوردانيادان تەك ءۇش ايدان كەيىن عانا قاشىپ كەلگەن. بۇل تۋرالى كتك-عا سىلتەمە جاسا Qamshy.kz اقپارات اگەنتتىگى حابارلايدى.

ايەل تاياۋ شىعىسقا كۇيەۋىنىڭ تۋىستارىنا قوناققا بارماقشى بولعان. الايدا قۇشاق جايىپ قارسى الادى دەگەن تۋىستارى ايەلدىڭ قۇجاتتارىن تارتىپ الىپ، بالالارىنىڭ ازاماتتىعىن وزگەرتكەن.

تاتيانانىڭ ايتۋىنشا، باستاپقىدا ءبارى دۇرىس بولعان. كۇيەۋى يوردانيادا بولماعان كورىنەدى.

ازاماتتىق نەكەدەگى كۇيەۋى بيزنەسىندەگى پروبلەمالاردى شەشكەن سوڭ يوردانياعا ورالاتىندارىن ايتىپ، سول جاقتان ەلگە قايتاتىنىن ايتىپ سەندىرگەن. جۇبايىنىڭ تۋىستارى ايەلدىڭ قۇجاتتارىن الىپ، ۆيزانىڭ ۋاقىتىن سوزاتىندارىن ايتىپ، كەيىن قۇجاتتاردى بەرمەي قويعان ەكەن. تاتيانانىڭ ۇلكەن قىزىن ءتىپتى جەرگىلىكتى مەكتەپكە وقۋعا بەرگەن. قىز ءۇش اي بويى ءتىلىن بىلمەيتىن يوردانيالىق مەكتەپتە وقىعان.

«ءبىزدى سوندا ۇستاپ وتىرماقشى بولدى»،- دەيدى ايەل.

الايدا، كەيىن ايەلدىڭ كۇيەۋى كەلىپ، ۇندەمەستەن بيلەتتەرىن بەرىپ ايەلى مەن بالالارىن الماتىعا اكەلىپ تاستاعان.

«ەڭ باستىسى ءبىز امان ەسەن ەلگە ورالدىق، ەندى ۇيدەمىز، ەشقايدا بارمايمىز»،-دەيدى ايەل.

مالىمەتتەرگە سۇيەنسەك، بۇل ىسكە قاتىستى تەرگەۋ جۇرگىزىلمەيدى. يوردانيادان ەلگە ورالعان تاتيانا كۇيەۋىمەن ايىرىلىسسا دا، ونى كەشىرگەن. ال جۇبايىنىڭ نە سەبەپتى مۇنداي ارەكەتكە بارعانى ولار ءۇشىن جۇباق كۇيىندە قالدى. الايدا ەندى بالالارىنىڭ ازاماتتىعىنا قاتىستى ەكى  جاقتا داۋ تۋىندايتىنى انىق.