بۇگىن تۇركىستان قالاسىنداعى «ازىرەت سۇلتان» مەملەكەتتىك تاريحي-مادەني قورىق-مۋزەيىندە ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جامبىل وبلىستىق تاريحي-ولكەتانۋ مۋزەيىنىڭ «ورتاعاسىرلىق تارازدىڭ قۇيما كەراميكاسى» اتتى جىلجىمالى كورمەسىنىڭ سالتاناتتى اشىلۋى ءوتتى. 

كورمەنىڭ ماقساتى - وڭىرلەر اراسىنداعى مادەني بايلانىستاردى نىعايتۋ جانە مۇراجايلار ءىسىن دارىپتەۋ، جامبىل وبلىستىق تاريحي-ولكەتانۋ مۋزەيى قورىنداعى قۇندى جادىگەرلەردى ناسيحاتتاۋ. اتالعان شاراعا تۇركىستان قالاسى اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باسشىسى ج.يبراگيموۆ، «ازىرەت سۇلتان» قورىق-مۋزەيى ديرەكتورىنىڭ ورىنباسارى س.ۇركىمبايەۆ، جامبىل وبلىستىق تاريحي-ولكەتانۋ مۋزەيىنىڭ ديرەكتورى گ.ەمبەردييەۆا، بۇقارالىق اقپارات قۇرالدارى مەع قالا قوناقتارى جانە مۋزەي قىزمەتكەرلەرى قاتىستى. 

كورمە بارىسىندا تۇركىستان قالاسى اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باسشىسى ج.يبراگيموۆ جامبىل وبلىسىنان كەلگەن قوناقتارعا ىستىق ىقىلاسىن ءبىلدىرىپ، قالا اكىمىنىڭ اتىنان العىس حات تابىستادى. «ازىرەت سۇلتان» قورىق-مۋزەيىنىڭ ديرەكتورى ورىنباسارى س.ۇركىمبايەۆ كورمەنىڭ ماڭىزدىلىعىنا توقتالا كەلە، مۋزەيلەر اراسىنداعى قارىم-قاتىناستىڭ ودان ءارى دامۋىنا تىلەكتەستىگىن ءبىلدىرىپ، قوناقتارعا العىس حات، كادەسىيلار مەن مۋزەيدىڭ باسپا ونىمدەرىن سىيعا تارتتى. سونىمەن قاتار، جامبىل وبلىستىق تاريحي-ولكەتانۋ مۋزەيىنىڭ ديرەكتورى گ.ەمبەردييەۆا جامبىل وبلىسىنىڭ تاريحي تۇلعالارى، رۋحاني مۇراعا تولى ولكە ەكەندىگىن ايتا كەلە «ازىرەت سۇلتان» قورىق-مۋزەيىنىڭ ۇجىمىنا ءوز العىسىن جەتكىزدى. 

كورمەگە تاراز قالاسىنىڭ جانە اۋداندارىنداعى ارحەولوگيالىق قازبا جۇمىستارى ناتيجەسىندە تابىلعان 70-گە جۋىق جادىگەرلەر قويىلدى. ولاردىڭ ىشىندە ورتاعاسىرلىق تۇرمىستا ءتۇرلى ماقساتتا قولدانىلعان كۇيدىرىلگەن، كۇيدىرىلمەگەن، جالاتپالى قىش ىدىستار، ۇلكەندى-كىشىلى شىراعداندار، حوش ءيىستى اتىرلەر مەن دارىلىك زاتتار، سىناپتاردى ساقتايتىن جۇمىر تاستار مەن مايشامدار، ءتۇرلى ويۋ-ورنەك تۇسىرىلگەن تارەلكەلەر، جيناق ساندىقشاسى، سىيىمدىلىعى ءار ءتۇرلى استىق، سۇيىقتىق ساقتايتىن حۋمدار، ساپتىاياقتار جانە قولادان جاسالعان بۇيىمدار قىزىقتى جانە قايتالانباس تاراز ءبيشىسىنىڭ جانە بۋددا قۇدايىنىڭ مۇسىندەرى، ورتاعاسىردىڭ ساۋلەت ەسكەرتكىشىنىڭ ءىنجۋ مارجانى بولعان ايشا-بيبي كەسەنەسىنىڭ كىرپىشتەرى حالىق نازارىنا ۇسىنىلادى. 

ايتا كەتەرلىگى، اتالعان كورمە تۇركىستان قالاسىندا ءبىر ايعا جالعاسادى.