-
جالپى ەرەجەلەر
-
وسى ەرەجە ستارت-اپ جوبالار بايقاۋىنىڭ (بۇدان ءارى - بايقاۋ) ماقساتىن، مىندەتتەرىن، قاتىسۋشىلار ساناتىن، وتكىزۋ ءتارتىبى مەن تالاپتارىن انىقتايدى.
-
بايقاۋ ۇيىمداستىرۋشىسى – «Ordabasy film» ج ش س، شىمكەنت قالاسىنىڭ كاسىپكەرلىك ءبولىمى (بۇدان ءارى - ۇيىمداستىرۋشى).
-
بايقاۋعا قاتىسۋعا وتىنىمدەر 2018 جىلدىڭ 11 مامىردان باستاپ قابىلدانادى. وتىنىمدەردى قابىلداۋ 2018 جىلدىڭ 18 مامىرعا دەيىن جالعاسادى.
-
وسى ەرەجە بايقاۋعا قاتىسۋعا ۇمىتكەر، قىزىعۋشىلىق تانىتۋشى تۇلعالاردىڭ بارلىعىنا تانىسۋ ءۇشىن ۇسىنىلادى. ەرەجەلەر بۇقارالىق اقپارات قۇرالدارىنا جاريالانادى.
2. بايقاۋدىڭ ماقساتى مەن مىندەتتەرى
-
بايقاۋدىڭ ماقساتى – ەلىمىزدىڭ ەكونوميكاسىنىڭ تۇراقتى دامۋىن قامتاماسىز ەتەتىن ۇزدىك جوبالار مەن تەحنولوگيالاردى انىقتاۋ جانە عىلىمي-يننوۆاسيالىق قىزمەتكە قىزىقتىرۋ ارقىلى جاستاردىڭ شىعارماشىلىق قابىلەتتەردى ارتتىرۋ. جاستاردى كاسىپكەرلىككە باۋلۋ.
-
بايقاۋدىڭ مىندەتتەرى:
-
عالىمداردىڭ، ينجەنەرلىك-تەحنيكالىق جۇمىسشىلاردىڭ، ونەرتاپقىشتاردىڭ، اسپيرانت، ستۋدەنتتەر مەن وقۋشىلاردىڭ يننوۆاسيالىق عىلىمي-زەرتتەۋ قىزمەتىن ىنتالاندىرۋ؛
-
جاستاردى عىلىمي-زەرتتەۋ قىزمەتى مەن عىلىمي-تەحنيكالىق شىعارماشىلىققا باۋلۋ؛
-
جاستاردىڭ زياتكەرلىك اۋلەتىن قازاقستان رەسپۋبليكاسىنىڭ عىلىمي- تەحنيكالىق جانە الەۋمەتتىك-ەكونوميكالىق تاپسىرمالارىن شەشۋ جولىندا قولدانۋعا جاعداي جاساۋ؛
-
وتاندىق يننوۆاسيالىق جوبالاردى ىسكە اسىرۋدا كومەكتەسۋ، ولاردىڭ كوممەرسيالاندىرۋىنا جانە ۇلتتىق كاسىپورىنداردا ەنگىزۋگە كومەكتەسۋ؛
-
ەنەرگيا جانە رەسۋرس ۇنەمدەۋ تەحنولوگيالاردى، عىلىمدى قاجەت ەتەتىن ەكونوميكانى دامىتۋعا باعىتتالعان پروگرەسسيۆتى جانە جاڭاشىل جوبالاردى قولداۋ.
3. بايقاۋ باعىتى
-
بايقاۋعا قاتىسۋعا كەلەسى تاقىرىپتارداعى يننوۆاسيالىق جوبالار قابىلدانادى:
-
قازاق ءتىلىنىڭ لاتىن الىپبيىنە كوشۋى؛
-
جاسىل ەنەرگەتيكا (ەنەرگەتيكا جانە ەنەرگيانى ۇنەمدەۋ)؛
-
حيميالىق تەحنولوگيا، نانوتەحنولوگيا جانە بيوتەحنولوگيا؛
-
ونەركاسىپتىك جانە قۇرىلىستىق تەحنولوگيا جانە ءوندىرىس؛
-
اگرويننوۆاسيا (ونەركاسىپتىك تەحنولوگيا جانە ءوندىرىس)؛
-
IT جانە اۆياعارىش تەحنولوگياسى؛
-
مەديسينا، مەديسينالىق تەحنيكا جانە تەحنولوگيا، فارماسيا؛
-
تابيعاتتى ءتيىمدى پايدالانۋ، رەسۋرستى ۇنەمدەۋ؛
-
روبوتوتەحنيكا؛
-
جول قوزعالىسىنىڭ قاۋىپسىزدىگى؛
-
ۇزدىك لايفحاك؛
-
3D باسپا جانە جاڭا ماتەريالدار؛
-
گادجەتتەرگە ارنالعان موبيلدىك قوسىمشالار؛
-
ەكولوگيالىق يننوۆاسيا؛
-
نانويمپۋلس – نانوتەحنولوگياداعى يننوۆاسيا؛
-
بىلىمدەگى يننوۆاسيا.
-
جالپى جۇلدە قورى 4 000 000 تەڭگە.
ءبىرىنشى ورىن – 2000000 تەنگە
ەكىنشى ورىن – 1000000 تەنگە
ءۇشىنشى ورىن – 600000 تەنگە
ىنتالاندىرۋ (8 جوبا) – 50000 تەنگە
4. بايقاۋ قاتىسۋشىلارى
-
بايقاۋعا 14 جانە 29 جاس ارالىعىنداعى قازاقستان رەسپۋبليكاسىنىڭ رەزيدەنتتەرى قاتىسا الادى.
-
بايقاۋعا قاتىسۋعا جوبانىڭ ءبىر اۆتورىمەن قاتار، 3 ادامنان اسپايتىن اۆتورلار توبى (اۆتورلىق توپتىڭ جەتەكشىسى انىقتالۋى ءتيىس) دا جىبەرىلەدى.
-
ءار قاتىسۋشى ءبىر ءوتىنىم جىبەرە الادى.
-
بايقاۋعا رەفەرات تۇرىندەگى جۇمىستار قابىلدانبايدى.
-
بايقاۋعا جاڭا ماتەريالدار، ونىمدەر، پروسەستەر، قۇرىلىمدار، قىزمەتتەر، جۇيەلەر نەمەسە ادىستەر جانە ولاردىڭ ودان ءارى جەتىلدىرۋى، ناتيجەلەرىن كوممەرسيالىق تۇرعىدا قولدانۋعا باعىتتالعان عىلىمي جوبالار ۇسىنىلادى.
-
بايقاۋعا قاتىسۋشىلار مىنالاردى جۇزەگە اسىرۋعا قۇقىلى: بايقاۋدىڭ وتكىزىلۋ شارتتارى مەن ءتارتىبى تۋرالى اقپارات الۋعا؛ ەرەجە تارماقتارى بويىنشا ۇيىمداستىرۋشىلارعا جۇگىنۋگە؛ بايقاۋعا قاتىسۋعا ماتەريالدار جىبەرۋگە.
-
بايقاۋ قاتىسۋشىلارىنىڭ مىندەتتەرى:
بايقاۋعا قاتىسۋعا ۇسىنىلعان بايقاۋدىڭ مىندەتتەرى مەن تالاپتارىمەن تانىسۋ؛ وسى ەرەجەدەگى تالاپتارعا سايكەس راسىمدەلگەن ماتەريالداردى ۋاقىتىلى ۇسىنۋ؛
وسى ەرەجەدە قاراستىرىلعان ەرەجەلەر مەن پروسەدۋرالاردى ساقتاۋ.
-
بايقاۋعا قاتىسۋشىلار كەلەسىلەر ءۇشىن جاۋاپتى:
ماتەريالدار مەن تۇيىندەمەدە كورسەتىلگەن اقپاراتتاردىڭ شىنايىلىعىنا قويىلاتىن تالاپتاردى بۇزعانى ءۇشىن؛
وسى ەرەجەدە بەلگىلەنگەن شارتتاردى، ەرەجەلەر مەن پروسەدۋرالاردى ساقتاماعانى ءۇشىن.
5. بايقاۋ ۇيىمداستىرۋشىسى
-
ۇيىمداستىرۋشى:
بايقاۋ تۋرالى وسى ەرەجەنىڭ تالاپتارىنا سايكەسىزدىكتەردى نەگىزگە الا وتىرىپ، ۇمىتكەردى بايقاۋعا قابىلداماۋعا قۇقىلى.
-
ۇيىمداستىرۋشىنىڭ مىندەتتەرى:
بارلىق قاتىسۋشىلار ءۇشىن تەڭ جاعداي جاساۋ؛ بايقاۋدى وتكىزۋدىڭ جاريالىلىعىن قامتاماسىز ەتۋ؛ بايقاۋدىڭ ناتيجەلەرى تۋرالى مالىمەتتەردىڭ ۋاقىتىنان بۇرىن جاريا ەتىلۋىنە جول بەرمەۋ.
-
بايقاۋ جەڭىمپازىن انىقتاۋ ماقساتىندا ۇيىمداستىرۋشى قاتىسۋشىلاردان قوسىمشا اقپارات سۇراتۋعا قۇقىلى.
6. كونكۋرستىق كوميسسيا
-
بايقاۋدى قورىتىندىلاۋ ءۇشىن كونكۋرستىق كوميسسيا قۇرىلادى.
كونكۋرستىق كوميسيا بەلگىلى قوعام قايراتكەرلەرى، مەملەكەتتىك ورگاندار وكىلدەرى، كاسىپكەرلەردەن قۇرىلادى.
-
كونكۋرستىق كوميسسيا قۇرامى شىمكەنت قالالىق كاسىپكەرلىك ءبولىمىنىڭ باسشىسىنىڭ بۇيرىعىمەن بەكىتىلەدى.
-
بايقاۋدىڭ كونكۋرستىق كوميسسياسى:
-
يننوۆاسيالىق كريتەرييلەرى بويىنشا جوبالاردى ىرىكتەيدى؛
-
بايقاۋعا ۇسىنىلعان جوبالاردى ساراپتايدى؛
-
قاتىسۋشىلاردىڭ جوبالارىن باعالاۋ كريتەرييلەرى بويىنشا باعالايدى؛
-
كونكۋرستىق كوميسسياسىنىڭ باعالاۋ ناتيجەلەرى بويىنشا قۇراما كەستە جيناقتايدى.
-
بايقاۋدىڭ كونكۋرستىق كوميسسياسى:
-
ىرىكتەۋدەن وتكەن قاتىسۋشىلاردىڭ جوبالارى بويىنشا باياندامالاردى تىڭدايدى؛
-
قاتىسۋشىلاردىڭ جوبالارىن باعالاۋ كريتەرييلەرى بويىنشا باعالايدى؛
-
وسى ەرەجەدە سيپاتتالعان بايقاۋدىڭ نوميناسيالارى بويىنشا جەڭىمپازداردى انىقتايدى.
-
بايقاۋعا قاتىسۋعا جىبەرىلگەن وتىنىمدەر بويىنشا اقپاراتتى انىقتاۋ ماقساتىندا كونكۋرستىق كوميسسيالار بايقاۋ قاتىسۋشىلارىنان قوسىمشا اقپارات سۇراتۋعا قۇقىلى.
7. وتىنىمگە قويىلاتىن تالاپتار
-
ماتەريالدار مەملەكەتتىك جانە ورىس تىلدەرىندە قابىلدانادى.
-
بايقاۋعا قاتىسۋعا ءوتىنىم ىشىندە كەلەسى اقپارات بولۋ كەرەك:
-
وسى ەرەجەنىڭ 1 قوسىمشاسىنا سايكەس فورما بويىنشا قاتىسۋشىنىڭ ساۋالناماسى؛
-
جوبانىڭ سيپاتتاماسى، قۇرامىندا: جوبانىڭ اتاۋى؛
جوبانىڭ تەماتيكالىق باعىتى؛
جوبانىڭ جۇزەگە اسىرىلۋى ورنى؛ جوبانىڭ ماقساتى مەن مىندەتتەرى؛ جوبانىڭ وزەكتىلىگى؛
الەۋمەتتىك-ەكونوميكالىق تيىمدىلىگى؛
تەحنيكالىق سيپاتتامالارى مەن تەحنولوگيالاردىڭ بايانداۋى؛ زياتكەرلىك مەنشىك جونىندەگى اقپارات (بار بولعان جاعدايدا).
-
بار بولعان جاعدايدا زياتكەرلىك مەنشىك قۇقىعىن راستايتىن قۇجاتتار (پاتەنتتەر، سەرتيفيكاتتار جانە ت.ب.)، مىنەزدەمە، پىكىر، جوباعا قاتىستى حاتتامالار، باق-تا، رەسمي عىلىمي مەكەمەلەر جانە مەملەكەتتىك ورگاندار
سايتتارىندا جاريالانعان اقپاراتتارعا سىلتەمەلەر (بار بولعان جاعدايدا) Portable Document Format فورماتىندا سكانەرلەنگەن تۇردە وسى وتىنىمگە قوسا تىركەلەدى.
-
جوبانىڭ ەندىرىلگەن تاجىريبەلى ۇلگىسى بار بولعان جاعدايدا ەسكيز، سىزبا، نۇسقاما، سۋرەتتەر، ۆيدەو (3 مينۋتتان اسپايتىن)، گرافيك، ەسەپتەمە، تەستىلەۋدىڭ ەسەبى (اكت جانە حاتتاما) جانە ت.ب. قوسا تىركەۋ قاجەت.
-
جوبالار ۇيىمداستىرۋشىعا حابارلاندىرۋدا كورسەتىلگەن مەرزىمىنەن كەشىكتىرىلمەي ۇسىنىلۋى ءتيىس. بايقاۋ تاقىرىپتارىنا ساي كەلمەيتىن جانە ۋاقىتىنان كەيىن جىبەرىلگەن ماتەريالدار بايقاۋعا جىبەرىلمەيدى. 29.بايقاۋعا جىبەرىلگەن ماتەريالدار كەرى قايتارىلمايدى.
8. بايقاۋدىڭ وتكىزىلۋ ءتارتىبى مەن شارتتارى
-
بايقاۋعا قاتىسۋعا وتىنىمدەر 2018 جىلدىڭ 18 مامىرعا دەيىن startup@bk.ru ەلەكتروندى مەكەنجايدا قابىلدانادى.
-
بايقاۋعا ءوتىنىم جىبەرگەندەر ۇيىمداستىرۋشىعا بايقاۋعا قاتىسۋ
جونىندەگى ءوتىنىمدى دايىنداۋ مەن راسىمدەۋ ماسەلەلەرى بويىنشا حابارلاسۋعا قۇقىلى.
-
وتىنىمدەردى تىركەۋدەن كەيىن، بايقاۋ ۇيىمداستىرۋشىسى ماتەريالداردى جيناقتاپ، كونكۋرستىق كوميسسياعا ۇسىنادى.
-
بايقاۋدىڭ وتكىزىلۋ ءتارتىبى:
بايقاۋدىڭ I كەزەڭىندەگى وتىنىمدەردى قاراۋ كونكۋرستىق كوميسسياسىمەن
جۇرگىزىلەدى. كونكۋرستىق كوميسسيا مۇشەلەرىنىڭ باعالاۋ قورىتىندىلارى بويىنشا ءاربىر ءوتىنىم جينالعان باللدارىنا بايلانىستى ىرىكتەلىپ، ەڭ جوعارى باللعا يە 11 قاتىسۋشى جوبانىڭ II كەزەڭىنە وتكىزىلەدى. ەگەر ەكى نەمەسە ودان كوپ قاتىسۋشى بىردەي بالل جيناسا، I كەزەڭنىڭ جەڭىمپازدارى كونكۋرستىق كوميسسيا مۇشەلەرىنىڭ اشىق داۋىسقا سالۋىمەن انىقتالاتىن بولادى.
-
بايقاۋدىڭ II كەزەڭىندە قاتىسۋشىلار ءوز جوبالارىن اۋىزشا بايانداما جانە پرەزەنتاسيا تۇرىندە ۇسىنادى. ۋاقىت ءتارتىبى – 6 مينۋتتان اسپاۋى ءتيىس.
بايقاۋ جەڭىمپازدارىن انىقتاۋ قاتىسۋشىلاردىڭ پرەزەنتاسياسى مەن باياندامالارىن باعالاۋ قورىتىندىلارى بويىنشا جۇزەگە اسىرىلادى.
-
وتىرىسقا كونكۋرستىق كوميسسيا مۇشەلەرىنىڭ كوپشىلىگى قاتىسقان جاعدايدا ونىڭ جۇمىسى زاڭدى، ال شەشىمدەرى ناقتى بولىپ تابىلادى.
-
بايقاۋ قاتىسۋشىلارى جوبالارىنىڭ باعالاۋ قورىتىندىلارى كوميسسيا حاتشىسىنا تاپسىرىلىپ، قورىتىندىلار حاتتاماسىنا جيناقتالادى.
جوبالاردى باعالاۋ بويىنشا وتىرىسقا قاتىسقان كونكۋرستىق كوميسسيا مۇشەلەرى جانە كونكۋرستىق كوميسسيا حاتشىسى قورىتىندىلار حاتتاماسىنا قول قويادى.
9. بايقاۋعا قاتىسۋ جونىندەگى وتىنىمدەردى باعالاۋ كريتەرييلەرى
-
ءبىرىنشى كەزەڭگە جىبەرىلگەن يننوۆاسيالىق جوبانىڭ نەگىزگى باعالاۋ ولشەمدەرى:
بايقاۋ قاتىسۋشىلارىنىڭ وتىنىمدەرىن باعالاۋ كريتەرييلەرى: يننوۆاسيالىق جوبانىڭ جاڭالىعى جانە بىرەگەيلىگى؛ يننوۆاسيالىق جوبانىڭ الەۋمەتتىك ماڭىزدىلىعى؛ نىسانالى اۋديتورياسى، اتاۋلىعى؛
بيزنەستە جۇمىس ىستەۋ تاجىريبەسى (ۇقساس بيزنەستەگى جۇمىس تاجىريبەسىنىڭ بولعانى جاقسى).
-
بايقاۋ قاتىسۋشىلارىنىڭ وتىنىمدەرىن باعالاۋدىڭ ءار كريتەرييى 0- دەن (نولدەن) 2-گە (ەكىگە) دەيىنگى بالدارمەن باعالانادى، مۇنداعى 0 (ءنول) – ءوتىنىمنىڭ كريتەرييگە تولىقتاي سايكەس كەلمەيتىنىن، 1 (ءبىر) – كريتەرييگە ءىشىنارا سايكەس كەلەتىنىن، 2 (ەكى) كريتەرييگە تولىقتاي سايكەس كەلەتىنىن بىلدىرەدى.
-
قانداي دا ءبىر كريتەريي بويىنشا اقپاراتتىڭ از بولۋى نەمەسە جوقتىعى تۇتاس العاندا يننوۆاسيالىق جوباعا بەرىلگەن باللدىڭ تومەندەۋىنە اسەر ەتەدى. ساراپشىلاردىڭ قورىتىندىسىندا كورسەتىلگەن قورىتىندى باعا ءار باعالاۋ كريتەرييى ءۇشىن جينالعان باللدار قوسىندىسىنان قۇرىلادى.
-
بالدارىنىڭ سانى تەڭ تۇسكەن وتىنىمدەر بولعان جاعدايدا، بايقاۋ قاتىسۋشىلارىن ايقىنداۋ جونىندەگى شەشىمدى بايقاۋ كوميسسياسىنىڭ مۇشەلەرى قابىلدايدى.
-
ەكىنشى كەزەڭگە جىبەرىلگەن يننوۆاسيالىق جوبانىڭ نەگىزگى باعالاۋ ولشەمدەرى:
بايقاۋقاتىسۋشىلارىنىڭ پرەزەنتاسيالارىنباعالاۋ كريتەرييلەرى: يننوۆاسيالىق جوبانىڭ جاڭالىعى جانە بىرەگەيلىگى؛ يننوۆاسيالىق جوبانىڭ الەۋمەتتىك ماڭىزدىلىعى؛
اشىلاتىن جۇمىس ورىندارىنىڭ سانى؛
ءىس جۇزىندەگى ناتيجەلەرگە باعدارلانۋى: وتەلىمدىلىگى، رەنتابەلدىلىگى، تولەم قابىلەتتىلىگى جانە ت.ب.؛
نىسانالى اۋديتورياسى، اتاۋلىعى؛ باسەكەلەستەرى؛
بيزنەستە جۇمىس ىستەۋ تاجىريبەسى (ۇقساس بيزنەستەگى جۇمىس تاجىريبەسىنىڭ بولعانى جاقسى).
-
بايقاۋ لاۋرەاتىنىڭ بيزنەس-يدەياسىن باعالاۋدىڭ ءار كريتەرييى 1-دەن (بىردەن) 10-عا (ونعا) دەيىنگى بالدارمەن باعالانادى.
-
بالدارىنىڭ سانى تەڭ تۇسكەن بايقاۋ قاتىسۋشىلارىنىڭ پرەزەنتاسيالارى بولعان جاعدايدا، بايقاۋ لاۋرەاتتارىن ايقىنداۋ جونىندەگى شەشىمدى بايقاۋ كوميسسياسىنىڭ مۇشەلەرى قابىلدايدى.
10. بايقاۋ قورىتىندىلارىن شىعارۋ
-
بايقاۋدىڭ ەكىنشى كەزەڭىنە وتكەن بارلىق قاتىسۋشىلارعا سەرتيفيكاتتار تابىس ەتىلەدى.
-
بايقاۋدىڭ ءۇشىنشى كەزەڭىنە وتكەن بارلىق قاتىسۋشىلارعا سەرتيفيكاتتار تابىس ەتىلىپ، جەڭىمپازدارعا قارجىلاي سىياقىلار بەرىلەدى.
11. بايقاۋدى وتكىزۋ ۋاقىتى مەن كەزەڭدەرى
-
كەزەڭ (2018 جىلعى 11 – 2018 جىلعى 18 مامىر) بايقاۋعا قاتىسۋ ءۇشىن وتىنىمدەردى قابىلداۋ جانە تىركەۋ، جوبالاردى ساراپتاۋ جانە ىرىكتەۋ، كونكۋرستىق ىرىكتەۋ؛
-
كەزەڭ (2018 جىلعى 19 مامىر) بايقاۋدىڭ ناتيجەلەرىن بەكىتۋ، جەڭىمپازداردى ماراپاتتاۋ؛
12. مەديا-رەسۋرستار
بايقاۋدىڭ اقپاراتتىق قولداۋىن مەديا-رەسۋرستارى، اقپاراتتىق سەرىكتەستەرى قامتاماسىز ەتەدى.
13. ۇيىمداستىرۋشىنىڭ بايلانىس اقپاراتى
بايقاۋ ۇيىمداستىرۋشىسى: بايقاۋعا قاتىسۋ ءۇشىن شىمكەنت قالاسى، 8 مولتەكاۋدانى، ءۇي 7ا، «Ordabasy film» ءجشس-نىڭ كەڭسەسىندە ءوتىنىم ۇلگىسىن تولتىرۋ قاجەت نەمەسە (ەل.پوچتا – ishymkent.startup@bk.ru) جولداۋ قاجەت.
