ەلباسى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا  جۇمىس بەرۋشىلەردى تارتۋ ارقىلى جانە حالىقارالىق تالاپتار مەن سيفرلىق داعدىلاردى ەسكەرە وتىرىپ، تەحنيكالىق جانە كاسىپتىك ءبىلىم بەرۋ باعدارلامالارىن جاڭارتۋ قاجەتتىگىن ايتقان بولاتىن.

وسى ورايدا قوعامداعى  سۇرانىسقا يە ماماندىقتاردىڭ ءبىرى ەلەكترگازبەن دانەكەرلەۋشى ماماندىعىنا جاستاردى ورالداعى ءبىرقاتار كوللەدجدە وقىتادى. سونىڭ ءبىرى ورال پوليتەحنيكالىق كوللەدجى. اتالمىش كوللەدج ديرەكتورىنىڭ كاسىبي ءبىلىم بەرۋ جونىندەگى ورىنباسارى جانات نۇراحمەتوۆانىڭ ايتۋىنشا، سوڭعى ءۇش جىلدىڭ ىشىندە دانەكەرلەۋشى ماماندىعىنا وقىپ جاتقان ستۋدەنتتەر «WorldSkills Kazakhstan» وڭىرلىك بىرىنشىلىگىنەن جۇلدەسىز قايتقان ەمەس. ستۋدەنتتەر استانادا وتەتىن ۇلتتىق چەمپيوناتتان ءجيى جۇلدەمەن ورالادى. 2016 جىلى رەسپۋبليكالىق جارىستا ستۋدەنت ماكسيم سۋمكين 2-ورىن الدى. بۇگىندە ول كوللەدجدى ءبىتىرىپ، شىنارلى كەن ورنىندا شەتەل كومپانياسىندا جۇمىس ىستەيدى. ونىڭ وندىرىستىك تالىمگەرى ۆالەريي لاكەيەۆتىڭ ەڭبەك وتىلىنە 35 جىلدان اسقان. ال ونىڭ شاكىرتتەرى دانەكەرلەۋشىلەردىڭ كا-سىبي بايقاۋىندا ىلعي دا كوزگە ءتۇسىپ، توپ جارادى. كوللەدجدەگى ارناۋلى ءپان وقىتۋشىسى ابات نۇرجانوۆتىڭ دانەكەرلەۋ ءىسىنىڭ ساراپشىلىق حالىقارالىق سەرتيفيكاتى بار. جوعارى ساناتتى وقىتۋشىدان تالىم-تاربيە العان ستۋدەنتتەردىڭ ىشىندە وسى قالايى جوق. جالپى، دانەكەرلەۋشىلەردى كاسىبي تۇرعىدان دايارلاۋعا بۇل كوللەدجدىڭ ماتەريالدىق بازاسى ايتارلىقتاي جوعارى.

– 2011 جىلدان باستاپ كاسىپتىك ءبىلىم بەرۋ سالاسىنا ناقتى كوڭىل بولىنە باستادى. بيىل 32 ملن. تەڭگە قارجىعا دانەكەرلەۋشىلەردى وقىتۋعا قاجەتتى زاماناۋي جابدىقتار ساتىپ الىندى. بەس ماماندىقتىڭ، 29 بىلىكتىلىكتىڭ ىشىنەن ەلەكترگازبەن دانەكەرلەۋشى ماماندىعىنا جابدىقتار الدىق. ويتكەنى بۇل ماماندىققا سۇرانىس جوعارى. جىل سايىن دانەكەرلەۋشى ماماندىعىن يگەرگەن تۇلەكتەرىمىز 100 پايىز جۇمىسپەن قامتىلادى. بيىل دا سولاي بولادى

دەپ كۇتىلۋدە، – دەدى جانات سەرعازى قىزى. ونىڭ سوزىنە سۇيەنسەك، كوللەدجدە لازەرلىك اپپاراتتان باسقا ەلەكتر دوعالىق، جارتىلاي اۋتومات، ارگوندىق، شۆە-

سيالىق «ءمىG c200G c200ءى» ءبىر فازالىق جانە «WARIOK 500 Icc/cv» كوپ فۋنكسيالى دانەكەرلەۋ اپپاراتتارى ستۋدەنتتەردى دانەكەرلەۋ ءىسىنىڭ قىر-سىرىنا ۇيرەتۋدە تاپتىرماس كومەكشى. نەگىزى اتالمىش كوللەدج قۇرىلىسشى ماماندىعى بويىنشا بازالىق وقۋ ورنى سانالادى. وعان قوسا بيىلعا دەيىن دانەكەرلەۋ ماماندىعى بويىنشا دا بازالىق وقۋ ورنى بولىپ كەلدى. بولاشاق دانەكەرلەۋشىلەر كاسىپورىن-ۇيىمداردا جاپپاي ماشىقتانۋدان وتكەن كەزدە وزدەرىن جاقسى قىرىنان كورسەتىپ جاتسا، جۇمىس بەرۋشىلەر سول ستۋدەنتتەرگە ارنايى جۇمىسقا شاقىرتۋ بەرەدى. مىسالعا، سونداي شاقىرتۋ العان ستۋدەنت اندرەي فەدورۋشكين بۇگىندە «زەنيت» زاۋىتىندا جۇمىس ىستەيدى. 2016 جىلى كوللەدج تۇلەكتەرىنىڭ 26-سى ءوندىرىس ورىندارىنا جولداما الدى. 2017 جىلى

تۇلەكتەردىڭ 19-ى ارنايى شاقىرتۋ الىپ، كاسىپورىنداردا جۇمىسقا قالدى. سول 19-دىڭ ىشىنەن التى دانەكەرلەۋشىنى جەكە كاسىپكەرلىك نىساندارى اتتاي قالاپ، جۇمىسقا الىپ تىندى. مىسالعا، اندرەي نوسكوۆ «لوسمان» جك-عا، الەكسەي ستەپانەنكو دەگەن ستۋدەنت «پەرەپەلكين» جك-عا جۇمىسقا قابىلدانعان.

دانەكەرلەۋشى ماماندىعىنا باتىس قازاقستان يندۋستريالدى كوللەدجى دە وقىتادى. ءقازىر التى توپ ستۋدەنتى وسى ماماندىققا وقۋدا. ولاردىڭ 60 پايىزى – اۋىل-ايماقتان كەلگەن جاستار. كوللەدج باسشىلىعى ستۋدەنتتەردى وندىرىستىك جانە ديپلومالدى پراكتيكادان وتكىزۋگە، جۇمىسقا ورنالاستىرۋعا، ارنايى ءپان وقىتۋشىلارى مەن وندىرىستىك وقىتۋ شەبەرلەرىن كاسىپورىن بازالارىندا تاعىلىمدامادان وتكىزۋگە قالاداعى ءبىرقاتار زاۋىت-كاسىپورىن-

دارمەن كەلىسىمشارتتار جاساعان. سونىڭ ىشىندە «زەنيت»، «ورال ترانسفورماتور زاۋىتى»، «قازتەلەكوم»، «ورال قۇيۋ-مەحانيكالىق زاۋىتى» سىقىلدى ءوندىرىس وشاقتارى بار. وسىنداي الەۋمەتتىك سەرىكتەستەر كوبىنەسە دانەكەرلەۋشى ماماندىعىن يگەرگەن جاستاردى جۇمىسقا قابىلدايدى.

ديرەكتور ورىنباسارى تىلەكتەس احمادييەۆتىڭ سوزىنە سۇيەنسەك، 2016 جىلى جەرگىلىكتى بيۋدجەتتەن كوللەدج بازاسىن نىعايتۋعا 30 ملن. تەڭگەدەن استام قارجى بولىنگەن بولسا، وتكەن جىلى قۇرال-جابدىق ءۇشىن

36 ملن. تەڭگە قارجى قارالىپ، ءۇش ينتەراكتيۆتى-ۆيرتۋالدى جاتتىعۋ قۇرىلعىسى مەن ساندىق-باعدارلامالىق تاسىلمەن باسقارىلاتىن قوندىرعىلار ساتىپ الىنعان.