بقو-دا مەديسينا سالاسى بويىنشا سيفرلاندىرۋ جۇمىستارى  قارقىندى جۇزەگە اسىپ كەلەدى. وسى ورايدا ايتا كەتسەك، باتىس قازاقستان وبلىستىق كلينيكالىق اۋرۋحاناcىنىڭ قابىلداۋ بولىمشەسى ترياج جۇيەسى بويىنشا جۇمىستانۋدا. سونداي-اق ستاسيوناردا جاتاتىن ناۋقاس­تاردىڭ ەلەكتروندى تىركەلىمى، ەمدەۋگە جاتقىزۋ پورتالى جانە ەم­حاناعا بەكىتىلەتىن حالىقتىڭ ءتىر­كەلىمىن جانە باسقالاردى ءازىر­لەۋ جۇمىستارى جولعا قويىلعان. 

ترياج جۇيەسى بويىنشا  اۋرۋحانا عيماراتىنا كىرەبەرىستەن-اق ەدەنگە جاسىل، قىزىل، سارى جولاقتار جۇرگىزىلگەن. مەيىربيكەلەر بولىمشەگە كەلگەن ناۋقاستاردى قابىلداپ، جالپى جاعدايىن باعالايدى. ترياج بويىنشا كەلۋشىلەر ءۇش اعىن تۇرىنە بولىنەدى. قىزىل اعىنعا اۋىر دارەجەدەگى ناۋقاستار جاتادى. ولارعا شۇعىل كومەك كورسەتىلەدى جانە قاجەت بولسا وتا جاساۋعا، جان ساقتاۋ بولمەسىنە قىزىل جولاقپەن اكەتەدى. سارى اعىنعا ورتا دارەجەدەگى اۋرۋلار، ولار شۇعىل كومەككە مۇقتاج ەمەس، ءبىراق تەكسەرىلەدى، ءتيىستى كومەك كورسەتىلەدى. جاسىل اعىنعا جاتاتىن اۋرۋلارعا تەكسەرىلەدى، كومەك كورسەتىلەدى، سودان كەيىن ۇيلەرىنە جىبەرىلەدى. بولىمشەگە كۇنىنە 160-170 ادام كەلەدى، جاراقات الىپ كەلۋشىلەر سانى 60-70 شاماسىندا. مۇندا كۇندىز ءتۇرلى 12 دارىگەر مامان دارىگەرلىك كومەك كورسەتەدى. ترياج بويىنشا ناۋقاسقا شۇعىل تۇردە بىرنەشە دارىگەر قىزمەت كورسەتە الادى.

قابىلداۋ بولىمشەسى كەلگەن ناۋقاستاردى اۋرۋحانانىڭ بولىمشەلەرىنە راسىمدەيدى. بۇل جەردە  ماڭىزدى ەمدەۋ-دياگنوستيكا جاسالادى، تاۋلىكتىڭ 24 ساعاتىندا جانە مەرەكە، دەمالىس كۇندەرى دە كەلۋشىلەرگە جەدەل دارىگەرلىك كومەك كورسەتىلەدى. اۋرۋحانا ديرەكتورى ارمان بايدەۋوۆتىڭ ايتىنشا، كەلگەن ادامنىڭ جەكە كۋالىگى ارقىلى بازاداعى مالىمەتتەردەن ونىڭ بۇرىن قايدا قارالعانى، قانداي ەم العانى، وتا جاسالعانى كورىنىپ تۇرادى. بۇرىن وسىنىڭ ءبارى قاعازعا تۇسىرىلەتىن.

– ەلباسىنىڭ تاپسىرماسىنا سايكەس وبلىستاعى 23 مەملەكەتتىك مەدنىسان قاعازسىز جۇمىس ىستەۋگە كوشتى. سيفرلاندىرۋ ارقىلى تۇرعىندارعا كورسەتىلەتىن مەديسينالىق كومەك ساپاسى جاقسارادى، دارىگەرلەردىڭ ەسەپ جازۋدان قولى بوساپ، ناۋقاسقا كوبىرەك كوڭىل بولەدى. اقپاراتتىق جۇيەگە كىرىگۋ ءۇردىسى جالعاسادى، ءبىرىنشى جارتىجىلدىقتىڭ سوڭىنا قاراي مەدنىسانداردى تولىقتاي سيفرلاندىرۋدى اياقتايمىز. بقو-نىڭ مەديسينا سالاسى – سيفرلاندىرۋ جوباسى بويىنشا رەسپۋبليكادا كوشباسشى. موبيلدىك قوسىمشانى ىسكە قوسۋ جۇمىستارى اياقتالادى. بۇل قوسىمشا ارقىلى تۇرعىندار دارىگەرگە ونلاين جازىلا الادى، قاجەتتى جاعدايدا ۇيگە ءدا-

رىگەر شاقىرتادى، – دەدى وبلىستىق دەنساۋلىق ساقتاۋ باسقارماسىنىڭ باسشىسى قانات توسەكبايەۆ.