وڭتۇستىك قازاقستان وبلىسىندا ورمان، دالا ورتتەرىن سوندىرۋگە قاتىستى تاكتيكالىق وقۋ-جاتتىعۋ جيىنى وتكىزىلدى.

وڭتۇستىك قازاقستان وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ۇيىمداستىرعان شاراعا وڭىرلىك توتەنشە جاعداي قىزمەتى مەن قورشاعان ورتانى قورعاۋ مەكەمەسىنىڭ وكىلدەرى قاتىستى.

الدىن الا ازىرلەنگەن باعدارلاما بويىنشا ورداباسى اۋدانىندا تۇتانعان ءورتتى سوندىرۋگە ارنالعان جەدەل ارەكەت جاسالدى. اتاپ ايتقاندا، توتەنشە جاعداي قىزمەتىنىڭ جەكە قۇرامى ارنايى كولىكتەرىمەن شارپىعان جالىن ورتاسىنا جەتىپ، ونى اۋىزدىقتاۋعا كىرىستى. ناتيجەسىندە ءورت دەر كەزىندە ءسوندىرىلىپ، ورمان القابى ءتىلسىز جاۋدان امان قالدى.

وقۋ جاتتىعۋ جيىنىنا قورشاعان ورتانى قورعاۋ مەكەمەلەرىنەن 110 ادام جۇمىلدىرىلدى. سونداي-اق، شارادا 6 ءورت ءسوندىرۋ كولىگى، 12 تراكتور جانە باسقا دا تەحنيكالار پايدالانىلدى.

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنا قاراستى 7 ورمان شارۋاشىلىعى مەملەكەتتىك مەكەمەلەرىنە 3 131،9 مىڭ گا مەملەكەتتىك ورمان قورى بار. وسى اۋماقتى قورعاۋعا دەپ 2018 جىلعا 31 712،0 مىڭ تەڭگە قارجى بولىنگەن. بۇل قارجى 500 شاقىرىم جاڭادان مينەرالدى جولاق سالۋ، 7 588 شاقىرىم مينەرالدى جولاقتاردى كۇتىپ-باپتاۋ، 210 شاقىرىم ورتكە قارسى جولدى جوندەۋ جانە 279 انشلاگ پەن پاننونى جاڭارتۋ جانە ورناتۋ جوسپارلانىپ، ءتيىستى جۇمىستار اتقارۋعا جۇمسالۋدا.