شىمكەنتتە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى، سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وقو بويىنشا دەپارتامەنتى، «ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسى» رەسپۋبليكالىق مەملەكەتتىك قازىنالىق كاسىپورنىنىڭ وقو بويىنشا فيليالى اعىمداعى جىلدىڭ ءى توقساندا اتقارىلعان جۇمىستار بويىنشا وڭىرلىك كوممۋنيكاسيالار قىزمەتىندە بريفينگ وتكىزدى.

بريفينگ بارىسىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ باسشىسى ءا.كومەكبايەۆ وڭىردە العاش رەت وتكىزىلىلىپ جاتقان «ادال جول  - چەستنىي پۋت» سىبايلاس جەمقورلىققا قارسى مارافونى جايلى ايتتى. مارافونعا وبلىستىڭ 15 اۋدان، قالالارداعى اكىم اپپاراتتارى مەن جەرگىلىكتى اتقارۋشى ورگانداردىڭ قولداۋىمەن جانە بارلىق ماقساتتى توپتاردىڭ اتسالىسۋىمەن ءتۇرلى فورماتتاعى ءىس-شارالار وتەتىن بولادى. قازىرگى تاڭعا مارافوندى شاردارا، ماقتارال اۋداندار وتكىزىپ، ەستافەتانى سارىاعاش اۋدانى الىپ وتىر»، - دەدى ول.

سونىمەن قاتار، ازاماتتارمەن تىعىز جۇمىس جۇرگىزىپ، كەرى بايلانىس ورناتۋ ماقساتىندا «قوعامدىق باقىلاۋ كارتاسى» ازىرلەندى. اتالعان جوبا اياسىندا، بەلگىلى الەۋمەتتىك جەلىلەردە (Facebook، VK، Instagram جانە What's up، Telegram (8-775-869-21-21) جانە كولل-سەنتر (8 (7252) 51-51-51) ارقىلى جالپى سانى 27 حات كەلىپ تۇسكەن.

بريفينگتە وبلىستاعى ادەپ جونىندەگى كەڭەستىڭ جۇمىسى، مەملەكەتتىك كورسەتىلەتىن قىزمەتتەردىڭ جاعدايى، مەملەكەتتىك قىزمەتتىڭ جاي-كۇيى دە نازاردان تىس قالمادى.

جاڭا جۇيە ارقاسىندا اۋىسۋ تارتىبىمەن تاعايىنداۋ 2000 جىلدارعا دەيىنگى جاعدايمەن سالىستىرعاندا 58 ەسە ازايعان.

مەريتوكراتيا قاعيداتى شەڭبەرىندە وتكىزىلگەن كونكۋرستار ناتيجەسىندە 165 مەملەكەتتىك قىزمەتشى تومەنگى لاۋازىمداردان جوعارى لاۋازىمدارعا تاعايىندالعان.

2018 جىلدىڭ 1 توقسانىندا 2991 تەست تاپسىرعان كانديداتتىڭ 1262ء-ى (42،1%) تەستتەن وتكەن.

سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وڭتۇستىك قازاقستان وبلىسى بويىنشا دەپارتامەنتى باسشىسىنىڭ ورىنباسارى ا.تاستەمىروۆ دەپارتامەنت بويىنشا اتقارىلعان جۇمىستارعا توقتالىپ ءوتتى.

سونداي-اق، ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسى» رەسپۋبليكالىق مەملەكەتتىك قازىنالىق كاسىپورنىنىڭ وقو بويىنشا فيليالىنىڭ ديرەكتورى ز.قابىلبەكوۆانىڭ ايتۋىنشا، ءى توقساندا جەرگىلىكتى جانە اۋماقتىق ورگانداردان 343 مەملەكەتتىك قىزمەتشى ءبىلىمىن جەتىلدىردى. ونىڭ ىشىندە بىلىكتىلىگىن  ارتتىرۋدان 239 قىزمەتشى، 104 ادام قايتا دايارلاۋدان وتكەن.