بۇگىن شىمكەنت قالاسىندا «وڭتۇستىك قازاقستان-وزبەكستان» توقىما ونەركاسىبى ونىمدەرىنىڭ كورمەسى اشىلدى.

وندا توقىما، كيىم جانە تەرىدەن جاسالعان ونىمدەر، فارماسيەۆتيكا، جيھاز، سۋۆەنيرلەر، سپورتتىق تاۋارلار مەن ويىنشىقتار وندىرەتىن وڭتۇستىكقازاقستاندىق جانە وزبەكستاندىق 60-قا جۋىق كاسىپورىندار قاتىسۋدا.

باۋىرلاس حالىقتار اراسىندا ۇيىمداستىرىلعان كورمە جۇمىسىمەن وبلىس اكىمى جانسەيىت تۇيمەبايەۆ تانىسىپ، ەكى ەلدىڭ ءوزارا ىنتىماقتاستىق قارىم-قاتىناسىنىڭ جانە ساۋدا - ەكونوميكالىق بايلانىسىنىڭ بۇدان ءارى دامي تۇسەتىنىنە سەنىم ءبىلدىردى.

ەكى كۇنگە جالعاساتىن شارا - وڭتۇستىك قازاقستان وبلىسى مەن وزبەكستان اراسىنداعى ءوزارا ىنتىماقتاستىق پەن باۋىرلاستىق قاتىناستاردى ورناتۋعا باعىتتالعان تاعى ءبىر قادام بولىپ سانالادى. قازىرگى تاڭدا ەكى ەل اراسىنداعى ەكونوميكالىق قارىم-قاتىناس جىلدان-جىلعا ارتىپ كەلەدى. ماسەلەن،  وتكەن جىلدىڭ قورىتىندىسى بويىنشا وزبەكستانمەن سىرتقى ساۋدا اينالىمىنىڭ كولەمى 2 ملرد اقش دوللارىنا جەتسە، ونىڭ 30 پايىزى وڭتۇستىك قازاقستان وبلىسىنا تيەسىلى. ياعني،  2017 جىلدىڭ قورىتىندىسى بويىنشا وزبەكستانمەن سىرتقى تاۋار اينالىم 16،8 پايىزعا ارتىپ، 622،6 ملن اقش دوللارىن قۇرادى. ونىڭ ىشىندە سايكەسىنشە ەكسپورت - 252،8 ملن  اقش دوللارىن ، يمپورت - 369،8،8 ملن اقش دوللارىنا جەتتى.