شىمكەنتتە 4 كۇن بويى «تىركەۋ» جەدەل الدىن الۋ ءىس-شاراسى جۇرگىزىلىپ، 15 مىڭنان  اسا كوپقاباتتى تۇرعىن ءۇي مەن جەكەلەگەن باسپانالار تەكسەرىلدى. ناتيجەسىندە 959 زاڭبۇزۋشىلىق جايتى انىقتالعان.

قالالىق اكىمدىكتىڭ باسپا ءسوز قىزمەتىنىڭ مالىمەتىنشە، شارا بارىسىندا  1399 اكىمشىلىك قۇقىقبۇزۋشىلىق دەرەگى تىركەلگەن. ونىڭ ىشىندە ەڭ كوبى ءال-فارابي اۋدانىندا تىركەلىپ وتىر. اتالعان اۋداندا  - 471، اباي اۋدانىندا - 351، قاراتاۋدا - 277،  ەڭبەكشى اۋدانىندا 30 اكىمشىلىك قۇقىقبۇزۋشىلىق جايتتارى انىقتالعان. تەكسەرۋ كەزىندە مەكەنجايى بويىنشا تىركەۋسىز تۇرعانى ءۇشىن 959 ازامات اكىمشىلىك جاۋاپكەرشىلىككە تارتىلىپ وتىر. تاعى 644 ازامات ىشكى ىستەر ورگاندارىنا ەسەپكە الىنىپ، قابىلداۋ-تاراتۋ ورىندارىنا قۇجاتسىز جۇرگەنى ءۇشىن 29 تۇلعا جەتكىزىلدى.

اكىمدىك وكىلدەرىنىڭ سوزىنشە، اعىمداعى جىلدىڭ 10 مامىرىنان باستاپ ءىس-شارانىڭ ەكىنشى كەزەڭى باستالادى. جەكە كۋالىكسىز نەمەسە جارامسىز جەكە كۋالىكپەن، تۇرعىلىقتى جەرى بويىنشا تىركەۋسىز تۇرعاندارعا 7 ايلىق ەسەپتىك كورسەتكىش مولشەرىندە ايىپپۇل سالىنادى.