مەملەكەت باسشىسى باتىس قازاقستان وبلىسىنا جۇمىس ساپارى بارىسىندا جيىنتىق جيھاز جاساۋدىڭ تەحنولوگيالىق ۇدەرىستەرىمەن تانىستى.

ەلباسى 2018 جىلعى "ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى" اتتى جولداۋىندا "يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس"، - دەگەن ەدى.

قازاقستان پرەزيدەنتىنە كاسىپورىننىڭ قازىرگى قارجى-شارۋاشىلىق جاعدايى تۋرالى مالىمدەلىپ، ءوندىرىس اۋقىمىن ۇلعايتۋ جانە دايىن ءونىم تىزبەسىن كەڭەيتۋ جوسپارى جونىندە ايتىلدى.

سونداي-اق، فابريكانى ارالاۋ كەزىندە نۇرسۇلتان نازاربايەۆقا ءوڭىردىڭ الەۋمەتتىك-ەكونوميكالىق دامۋ بارىسى، سونىڭ ىشىندە ونەركاسىپ سەكتورىنىڭ، شاعىن جانە ورتا بيزنەستىڭ قازىرگى احۋالى مەن پەرسپەكتيۆالارى جونىندە باياندالدى.

بۇدان بولەك، كاسىپورىن اۋماعىندا مەملەكەت باسشىسىنا يندۋستريالىق-يننوۆاسيالىق دامۋ باعدارلاماسى اياسىندا جۇزەگە اسىرىلىپ جاتقان جوبالار تانىستىرىلدى. اتاپ ايتقاندا، فين تەحنولوگياسى بويىنشا تۇرمىستىق قاتتى قالدىقتاردى قايتا وڭدەۋ جۇيەسىن جاڭعىرتۋ، ءىرى قارا مەن ۇساق مالدىڭ تەرىسىن وڭدەۋ، نان جانە ماكارون ونىمدەرىن ءوندىرۋ، حيميا ءوندىرىسى، ديزەل وتىنىنىڭ كومپونەنتتەرىن سۋمەن تازالاۋعا ارنالعان جوبالار بار.

«كۆانت» كومپانياسى پورولون، ماتراس، جيىنتىق جانە جۇمساق جيھاز جاساۋمەن اينالىسادى. وندىرىستە قولدانىلاتىن بارلىق ماتەريال ەكولوگيالىق تۇرعىدان تازا ءارى مەملەكەتتىك ستاندارتتارعا ساي كەلەدى.

بۇل جيھازدار ەۋروپالىق تاۋار وندىرۋشىلەردىڭ زاماناۋي قۇرال-جابدىعىمەن جانە وزىق تەحنولوگيالاردى قولدانۋ ارقىلى جاسالادى.