ازاماتتىق قوعام ينستيتۋتتارى عالامدىق كۇن ءتارتىبىن قالىپتاستىرۋعا قاتىسادى جانە ونى بەلسەندى تۇردە جۇزەگە اسىرادى. بۇل تۋرالى «Global Challenges Summit» استانا ەكونوميكالىق فورۋمى اياسىنداعى پانەلدىك سەسسيادا سويلەگەن سوزىندە ق ر ءدىن ىستەرى جانە ازاماتتىق قوعام ءمينيسترى دارحان كالەتايەۆ ايتتى.  

«ازاماتتىق قوعامنىڭ بولاشاعى. جاڭا ازاماتتىق بەلسەندىلىك» تاقىرىبىندا پانەلدىك سەسسياسى ق ر ءدىن ىستەرى جانە ازاماتتىق قوعام مينيسترلىگىنىڭ باستاماسىمەن وتكىزىلۋدە.  

«ازاماتتىق قوعام ينستيتۋتتارى عالامدىق كۇن ءتارتىبىن قالىپتاستىرۋعا قاتىسادى جانە ونى بەلسەندى تۇردە جۇزەگە اسىرادى. بۇگىندە تۇراقتى قۇرىلىمى بار حالىقارالىق ۇەۇ رەسمي كونسۋلتاسيالىق پروسەستەرگە، اتاپ ايتقاندا G20 جانە بۇۇ سياقتى كوپجاقتى فورۋمدارعا بەلسەنە قاتىسادى»،- دەدى د.كالەتايەۆ.

بۇعان مىسال رەتىندە مينيستر حالىقارالىق ۆاليۋتا قورىنىڭ جانە دۇنيەجۇزىلىك بانك توبىنىڭ جىل سايىنعى جينالىستارى بارىسىندا وتكىزىلەتىن ازاماتتىق قوعام ساياساتى ماسەلەلەرى جوننىدەگى فورۋمدى اتاپ ءوتتى. اتالعان فورۋمداردا الەمدىك ەكونوميكا، جاھاندىق قارجىلىق تۇراقتىلىق، جۇمىسپەن قامتۋ جانە كەدەيشىلىكتى جويۋ پەرسپەكتيۆالارى تالقىلانادى.

ءمينيستردىڭ ايتۋىنشا، 2016 جىلى ەكونوميكالىق ىنتىماقتاستىق جانە دامۋ ۇيىمىنىڭ قۇرامىنا كىرەتىن 27 ەلدە ۇەۇ-دار حالىقتىڭ مۇددەسى ءۇشىن جۇمىس ىستەيتىن ەڭ سەنىمدى ۇيىمدار بولىپ تابىلادى. («Edelman Trust Barometer 2017» زەرتتەۋى). بۇل رەتتە، سوڭعى 7 جىلدا قوعامدىق ۇيىمدار وسى ماڭىزدى كورسەتكىشكە يە بولىپ كەلەدى. ۇكىمەتتىك ەمەس ۇيىمدارعا دەگەن سەنىمنىڭ ءوسۋى نەگىزىنەن تانىمال تۇلعالار جانە بۇقارالىق اقپارات قۇرالدارىنىڭ قىزمەتىمەن بايلانىستى.

پانەلدىك سەسسيا جۇمىسىنا مەملەكەتتىك ورگانداردىڭ جانە ۇكىمەتتىك ەمەس ۇيىمداردىڭ وكىلدەرى، ساياساتتانۋشىلار، حالىقارالىق ساراپشىلار قاتىستى.