وڭتۇستىك قازاقستان وبلىسىنداعى ماقتاارال اۋدانىندا كوكتەمگى دالا جۇمىستارى اياقتالدى. اق التىننىڭ وتانى سانالاتىن وڭىردە بيىل شارۋالار 86 820 گەكتارعا ماقتا ءدانىن سەپتى.

اۋدان اكىمى جامانتاي بەيسەنبايەۆتىڭ ايتۋىنشا، مىرزاشولدىك ديقاندار 9 169 گەكتارعا ءداندى جانە ءداندى-بۇرشاقتى، 201 گەكتارعا مايلى داقىلدار ەككەن. ال،  3 692 گەكتارعا مال ازىقتىق جانە 31 مىڭ گەكتاردان استام جەرگە كوكونىس-باقشا داقىلدارى سەبىلدى.

«بيىل ماقتاارال اۋدانىنداعى كوكتەمگى دالا جۇمىستارىنا مەملەكەت تاراپىنان جەڭىلدەتىلگەن باعامەن 8 300 توننادان استام جانارماي بولىنسە، بۇگىندە ونىڭ باسىم بولىگى شارۋالارعا ۇلەستىرىلىپ بەرىلگەن. سونداي-اق، شارۋالار بيىل تۇقىمدىق شيت تاپشىلىعىن سەزىنبەدى. ارنايى جۇمىس توبى كوكتەمگى دالا جۇمىستارىنا قاجەتتى 3،2 مىڭ توننا ءشيتتى ارتىعىمەن دايىنداپ بەرىپ، سونىڭ 2، 7 مىڭ تونناسى كوكتەمگى ەگىسكە جۇمسالدى»، - دەدى جامانتاي قاناي ۇلى.

سونىمەن قاتار، بيىل ماقتاارال اۋدانىندا اۋىل شارۋاشىلىعى ءونىم كولەمىن ارتتىرۋ جوسپارلانىپ وتىر. ونىڭ ىشىندە ەگىن شارۋاشىلىعىنىڭ ءونىمىن 80،5 ملن، ال مال شارۋاشىلىعى ءونىمىن 23،45 ميلليون تەڭگەگە جەتكىزۋ كوزدەلگەن.