التى الاشقا - اقجولتاي جاڭالىق! بايتاعىمىزدا «Men Qazaqpyn» ۇلتتىق تەليەۆيزيالىق مەگاجوباسى وتۋدە. ءداستۇرلى ءان، تەرمە-جىردىڭ مارتەبەسىن كوتەرۋگە ارنالعان بايقاۋدىڭ ىرىكتەۋ كەزەڭى وڭتۇستىك وبلىستا دا باستالدى، دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ.
بۇگىن تەرىسكەيدەگى سوزاققا قازاقتىڭ ساف ءان ونەرى باستاۋىنان رۋحاني ءنار الىپ، قانىپ ىشكەن تالانتتىلارىمىز جينالۋدا. ەل ءىشى – ونەر كەنىشى. ءداستۇرىمىزدى دارىپتەپ، ۇلتتىعىمىزدى ۇلىقتايتىن جوبانىڭ العاشقى سىنىنا كاسىبي ونەر يەسى بولماسا دا، ىنتا تانىتقان تالانتتاردىڭ قاتارى قالىڭ. كۇمبىرلەگەن كۇي، اۋەلەگەن انىمەن دارا شىققان دارابوز رەسپۋبليكالىق بايقاۋدا ءوڭىرىمىزدىڭ وزگەگە ۇقسامايتىن ونەردەگى ورنەگەن پاش ەتەتىن بولادى!
ەلباسى رۋحاني جاڭعىرۋ جونىندەگى جالپىۇلتتىق يدەيانى جاريالاعاندا جاڭا ۇدەرىس ەلدىڭ رۋحاني تامىرىنان ءنار الۋى ءتيىس دەدى. رۋحاني تامىر – اتا-بابادان ميراس بولىپ قالعان سالتىمىز، ءتىل مەن ءدىل. ونىڭ ىشىندە ونەر، قالا بەردى ءداستۇرلى انشىلىك، كۇيشىلىك جانە تەرمەشىلىكتىڭ ورنى ەرەك. مىنە، وسى رەتتە رەسپۋبليكالىق دارەجەدە قولعا الىنعان «QAZAQSTAN» ۇلتتىق تەلەارناسىنىڭ «مەن قازاقپىن!» تەليەۆيزيالىق مەگا جوباسى وڭىرلەردە ىرىكتەۋ شارالارىن قولعا الدى. بايقاۋدىڭ باستى ماقساتى — قازاق xالقىنىڭ ءتول ونەرى، سونىڭ ىشىندە جىر-تەرمەلەر مەن كۇيلەردى بۇگىنگى زامان تالابىنا ساي جاڭارتىپ، وسكەلەڭ ۇرپاققا جەتكىزۋ. بايقاۋعا قاتىسۋشىلاردىڭ جاس ەرەكشەلىگى -18 بەن 40 جاس ارالىعى. وق بويى وزىق شىققاندار تەليەۆيزيالىق بايقاۋعا جولداما الادى. سونداي-اق ساxناعا شىعاتىن ونەرپازداردىڭ كيىمى قازاقى ۇلگىدە ءارى بۇگىنگى زامان تالابىنا ساي بولۋى ءتيىس. ۇلتتىق ونەردى ۇرپاققا ناسيحاتتايتىن «مەن قازاقپىن!» تەليەۆيزيالىق مەگاجوباسىنىڭ وڭىرلەردە ىرىكتەۋ جارىستارى وڭتۇستىك قازاقستان وبلىسىنىڭ اكىمى جانسەيىت تۇيمەبايەۆتىڭ قولداۋىمەن 14 اۋداندا دا وتكىزىلمەك. بىلىكتى مامانداردان قۇرالعان ارنايى توپ ءاربىر اۋداندى ارالاپ، جوباعا قاتىسۋشىلاردى انىقتايدى. العاشقى ىرىكتەۋ سايىسى، مامىر ايىنىڭ 17ء-سى كۇنى سوزاق پەن بايدىبەك اۋداندارىندا باستاۋ الدى. وسىدان كەيىن كورەرمەن قاۋىم بايقاۋدىڭ كۇندەلىگى مەن نەگىزگى كونكۋرسىن تەلەديداردان كورە الادى. جوبانىڭ رەسپۋبليكالىق اينالىمىندا جەڭىسكە جەتكەن جەڭىمپازدار "جىلدىڭ ەڭ ۇزدىك ءداستۇرلى ءانشىسى"، "جىلدىڭ ەڭ ۇزدىك تەرمەشىسى" جانە "جىلدىڭ ەڭ ۇزدىك كۇيشىسى" اتالىمدارى بويىنشا ماراپاتتالادى.
