وڭتۇستىك قازاقستان وبلىسىنىڭ اكىمى جانسەيىت تۇيمەبايەۆتىڭ توراعالىعىمەن وبلىس اكىمدىگى جانىنداعى قۇقىق بۇزۋشىلىق پروفيلاكتيكاسى جونىندەگى ۆەدومستۆوارالىق كوميسسياسى مەن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ بىرلەسكەن وتىرىسى ءوتتى. بۇل جايىندا Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
وتىرىسقا ۆەدومستۆوارالىق كوميسسيا مۇشەلەرى، وبلىستىق باسقارما باسشىلارى، اۋدان، قالا اكىمدەرى جانە پروكۋرورلار، ىشكى ىستەر ورگاندارىنىڭ، جەرگىلىكتى پوليسيا قىزمەتىنىڭ باسشىلارى قاتىستى. كۇن تارتىبىندەگى ماسەلەلەر بويىنشا وبلىستىق جەرگىلىكتى پوليسيا قىزمەتىنىڭ باستىعى ءا.سەيدۋالييەۆ، وبلىستىق ىشكى ىستەر دەپارتامەنتى باستىعىنىڭ ورىنباسارى س.ابدۋللايەۆ، وبلىس پروكۋرورىنىڭ ءبىرىنشى ورىنباسارى ە.بولەگەنوۆ، ق ر سىبايلاس جەمقورلىققا قارسى ءىس قيمىل ۇلتتىق بيۋروسىنىڭ وقو بويىنشا دەپارتامەنتى باستىعىنىڭ ورىنباسارى ءا.جورابەكوۆ بايانداما جاسادى. مەملەكەتتىك جانە جەرگىلىكتى اتقارۋشى ورگانداردىڭ وڭتۇستىك قازاقستان وبلىسىنداعى قۇقىق بۇزۋشىلىق پروفيلاكتيكاسىنىڭ 2017-2019 جىلدارعا ارنالعان كەشەندى جوسپارىن ىسكە اسىرۋ بارىسى تۋرالى جەرگىلىكتى پوليسيا قىزمەتىنىڭ باستىعى ءابدىعاني سەيدۋالييەۆتى تىڭداعان وبلىس اكىمى جەرگىلىكتى پوليسيا قىزمەتى قۇرىلعان 2016 جىلدان بەرى حالىق الدىندا ەسەپ بەرمەگەنىن اتاپ ءوتتى. سونىمەن بىرگە ايتىلعان تاپسىرمانىڭ ءتيىستى دەڭگەيدە ورىندالمايتىنىنا توقتالىپ، قۇقىق بۇزۋشىلىقتى الدىن-الۋ بويىنشا جۇمىستاردى شيراتۋدى تاپسىردى. جيىندا قارالعان باسقا دا ماسەلەلەردى مۇقيات تىڭداعان ايماق باسشىسى ءتيىستى سالا باسشىلارىنا كامەلەت جاسقا تولماعان جاسوسپىرىمدەردىڭ دەمالىس ۋاقىتىن ءتيىمدى وتكىزۋىن ۇيىمداستىرۋدى، جاسوسپىرىمدەرمەن جاسالاتىن قىلمىستى بولدىرماۋ ءۇشىن جاساقتالعان الدىن الۋ ءىس-شارالاردىڭ تيىمدىلىگىن زەردەلەپ، جاڭا ادىس-تاسىلدەردى ازىرلەۋدى تاپسىردى. قىلمىستاردىڭ باسىم كوپشىلىگى جۇمىسپەن قامتىلماعاندارمەن جاسالاتىنىن اتيقان وبلىس اكىمى حالىقتى جۇمىسپەن قامتۋعا باعىتتالعان مەملەكەتتىك باعدارلامالاردىڭ ساپالى ورىندالۋىن باقىلاۋعا الىنۋىن، ءتيىستى باسقارمامەن بىرلەسىپ جۇمىسسىزداردىڭ سانىن تومەندەتۋ بويىنشا جوسپارلى تۇردە ناقتى ءىس-شارالار جۇرگىزۋدى جۇكتەدى. وبلىس پروكۋراتۋراسىمەن بىرلەسكەن وتىرىستى قورىتىندىلاعان ايماق باسشىسى ءماجىلىس بارىسىندا ايتىلعان كەمشىلىكتەر مەن سىن-ەسكەرتپەلەردى حاتتاماعا ەنگىزىپ، وڭ ناتيجەلى جۇمىستاردى اتقارۋدى ايتتى. اتالعان جيىندا ءمالىم بولعانداي وبلىس اۋماعىندا 2018 جىلدىڭ 4 ايىندا وتكەن جىلدىڭ وسى كەزەڭىمەن سالىستىرعاندا جالپى قۇقىقبۇزۋشىلىق 8،8 پايىزعا تومەندەگەن.
