وقو اكىمى جانسەيىت تۇيمەبايەۆ وبلىس تۇرعىندارىن ۇلى جەڭىس كۇنى مەرەكەسىمەن قۇتتىقتادى، دەپ حابارلايدى Qamshy.kz اقپارات اگەنتتىگى.

"قۇرمەتتى ۇلى وتان سوعىسىنىڭ ارداگەرلەرى، تىل ەڭبەككەرلەرى!

ءقادىرلى وڭتۇستىكقازاقستاندىقتار!

سىزدەردى 9 مامىر – ۇلى جەڭىس كۇنى مەرەكەسىمەن شىن جۇرەكتەن قۇتتىقتايمىز!

بۇل – وتان قورعاۋداعى وشپەس ەرلىك پەن ولشەۋسىز داڭقتىڭ، حالقىمىزدىڭ شەكسىز قاھارماندىعى مەن مۇقالماس قاجىر-قايراتىن تانىتقانايتۋلى مەرەكە.

بەيبىت ءومىر مەن ۇرپاقتىڭ باقىتتى بولاشاعى ءۇشىن وتقا ءتۇسىپ، قايعى-قاسىرەت شەككەن، سونىڭ ءبارىن قايىسپاي جەڭە بىلگەن ارداگەرلەردىڭ جانكەشتى ەرلىگى مەن ەڭبەگى جادىمىزدان ەشقاشان وشپەك ەمەس.سىزدەردىڭ كورسەتكەن قايسارلىقتارىڭىز ناعىز وتانسۇيگىشتىكتىڭ، كوپۇلتتى تاتۋلىقتىڭ تەڭدەسسىز ۇلگىسى بولىپ تاريحتا جازىلىپ قالدى.سوندىقتاندا اقتاڭداق جىلدارداعى ەل ازاماتتارىنىڭ جان اياماس جاۋجۇرەكتىلىگى مەن تىل ەڭبەككەرلەرىنىڭ ەرەن ەڭبەكتەرىنە ءبىز ءاردايىم قۇرمەتپەن باس يەمىز.سىندارلى ساتتە كەۋدەسىن وققا توسقان باتىرلارعا ايرىقشا قۇرمەت كورسەتۋ بۇگىنگى ۇرپاقتىڭ پەرزەنتتىك پارىزى.

قازاقستان رەسپۋبليكاسىنىڭ پرەزيدەنتى، ەلباسىمىز نۇرسۇلتان ءابىش ۇلى نازاربايەۆ: «قايسارلىق پەن قاھارماندىق، وتانعا دەگەن سۇيىسپەنشىلىك اسا قاتىگەز سۇراپىل سوعىستا جەڭىسكە جول اشتى» دەگەن بولاتىن.

ۇلى وتان سوعىسىنا وڭتۇستىك قازاقستان وڭىرىنەن 140 مىڭنان استام ادام اتتانىپ، ولاردىڭ جارتىسىنا جۋىعى تۋعان جەرگە ورالمادى. ءىى دۇنيەجۇزىلىك سوعىستا جانقيارلىق ەرلىگى ءۇشىن وڭتۇستىكقازاقستاندىق 51 ازاماتقا كەڭەس وداعىنىڭ باتىرى اتاعى بەرىلسە، 8 جەرلەسىمىز «داڭق» وردەنىنىڭ يەگەرى اتاندى. جاۋجۇرەك قايسارلىعى ءۇشىن مىڭداعان ارداگەرلەرىمىز ءتۇرلى وردەن، مەدالدارمەن ماراپاتتالدى. بۇگىنگى تاڭدا وڭىرىمىزدە 174 ۇلى وتان سوعىسىنىڭ ارداگەرى، 4885 مايدانعا قاتىسۋشىلار مەن مۇگەدەككە تەڭەستىرىلگەندەر جانە 15733 تىل ەڭبەككەرلەرى بار.

قۇرمەتتى ۇلى وتان سوعىسىنىڭ ارداگەرلەرى مەن تىل ەڭبەككەرلەرى!

اۋىر كۇندەردەگى ادال ەڭبەكتەرىڭىز بەن بەلسەندى ازاماتتىق ۇستانىمدارىڭىز ءۇشىن العىس بىلدىرەمىز!وسىناۋ ەرلىككە تولى كۇن تاريحىمىزدىڭ ماڭگىلىك ۇمىتىلماس پاراعى بولىپ قالا بەرمەك.

ۇلى جەڭىس مەرەكەسىمەن قۇتتىقتاي وتىرىپ، بارشاڭىزعا زور دەنساۋلىق، ۇزاق عۇمىر، بەيبىت ءومىر مەن باق-بەرەكە تىلەيمىز!" - دەلىنگەن حابارلامادا.