وڭتۇستىك قازاقستان وبلىسىندا «7 مامىر  -  ق ر وتان قورعاۋشىلار كۇنىنە» ارنالعان مەرەكەلىك ءىس-شارا ءوتتى. سالتاناتتى جيىنعا شىمكەنت قالاسىنىڭ اكىمى ن.ساۋرانبايەۆ قاتىسىپ، جينالعانداردى ايتۋلى مەرەكەمەن قۇتتىقتادى.

مۇنان سوڭ، ەلدىڭ قورعانىس قابىلەتىن كۇشەيتۋگە، ۇلتتىق قاۋىپسىزدىكتى قامتاماسىز ەتۋگە، ازاماتتاردىڭ مۇددەلەرى مەن قۇقىقتارىن، زاڭدىلىقتى قورعاۋعا ۇلەس قوسقان 21 ازاماتقا «ءمىنسىز قىزمەتى ءۇشىن» مەدالدارىمەن، وبلىس اكىمىنىڭ گراموتاسىمەن جانە الىس حاتىمەن، ماراپاتتالدى.

ايتا كەتەيىك، بيىل قازاقستاننىڭ قارۋلى كۇشتەرىنىڭ قۇرىلعانىنا 26 جىل. ۋاقىت تالابىنا ساي اسكەرىمىز جاڭارىپ، ونىڭ كۇش-قۋاتى جىلدان-جىلعا نىعايىپ كەلەدى. ءبىزدىڭ ءوڭىر – ەلىمىزدىڭ وڭتۇستىك قاقپاسى. وڭىرىمىزدە شىمكەنت گورنيزونىنا قاراستى 10 اسكەري قۇرىلىمدىق بولىمدەر وڭتۇستىك شەكارانىڭ تۇتاستىعى مەن تىنىشتىعىن ساقتاۋدا قىزمەت ەتۋدە.

سالتاناتتى جيىن ارنايى دايىندالعان مەرەكەلىك كونسەرتكە ۇلاستى. شارا سوڭىندا جينالعاندار «وتار» اسكەري بازاسىندا وتكەن سالتاناتتى شەرۋدى تىكەلەي ەفيردەن تاماشالادى.