وقو اكىمى جانسەيىت تۇيمەبايەۆ وبلىس تۇرعىندارىن قازاقستان رەسپۋبليكاسىنىڭ وتان قورعاۋشىلار كۇنىمەن قۇتتىقتادى، دەپ حابارلايدى Qamshy.kz اقپارات اگەنتتىگى.

"قۇرمەتتى وتان قورعاۋشىلار! سىزدەردى مەملەكەتىمىزدىڭ ايبىندى مەرەكەسى 7 مامىر – وتان قورعاۋشىلار كۇنىمەن قۇتتىقتايمىز!

ءاربىر تاۋەلسىز مەملەكەتتىڭ ەڭ باستى ماقساتى – ەل تىنىشتىعىن قورعاۋ، مەملەكەت تۇتاستىعىن ساقتاۋ. سوندىقتان دا بۇل كۇن – وتاندى قادىرلەيتىن، ونىڭ تاريحىن قۇرمەتتەيتىن، ايبىندى اسكەرىمىزدىڭ اتاعىن اسقاقتاتقان، مەملەكەتىمىزدىڭ قۋاتىن ايعاقتايتىن كۇن.

بۇگىندە ەلباسى، قازاقستان قارۋلى كۇشتەرىنىڭ باس قولباسشىسى نۇرسۇلتان نازاربايەۆتىڭ ستراتەگيالىق كورەگەندىگىنىڭ ناتيجەسىندە قازاقستان ارمياسىنىڭ جاڭا كەلبەتى، وتانشىل رۋحى قالىپتاستى. قارۋلى كۇشتەر مەملەكەتىمىزدىڭ تۇراقتى كەپىلىنە اينالدى.

وسىدان 26 جىل بۇرىن قۇرىلعان قازاقستاننىڭ قارۋلى كۇشتەرى ەلىمىزدىڭ ەڭسەسىن تىكتەپ، ەركىندىگىمىزدى كەڭەيتتى. ۋاقىت تالابىنا ساي اسكەرىمىز جاڭارىپ، ونىڭ كۇش-قۋاتى جىلدان-جىلعا نىعايىپ كەلەدى.

كونستيتۋسيامىزبەن بەكىتىلگەن ابىرويلى مىندەتتى ورىنداۋ ءۇشىن وڭتۇستىك قازاقستان وبلىسىنان كوكتەمگى جانە كۇزگى اسكەرگە دەنساۋلىعى مىقتى بىرنەشە جۇزدەگەن جاس ازامات قارۋلى كۇشتەرىمىزدىڭ قاتارىنا شاقىرىلادى.ولار اسكەري دايارلىقتان سوڭ ارنايى بولىمدەردە، شەكارا قىزمەتىندە ەل تىنىشتىعىن كۇزەتەدى.

ساربازدارىمىز قاشاندا قۇرمەت پەن ءىلتيپاتقا لايىق. بار عۇمىرىن وتانىن قورعاۋعا ارناپ، قىزمەتىن ءمىنسىز اتقارىپ كەلە جاتقان اسكەري قىزمەتكەرلەرگە العىسىمىزدى بىلدىرەمىز. ەلىمىزدىڭ تىنىشتىعىن ساقتاۋ جولىنداعى جاۋاپتى قىزمەتتەرىڭىزگە قايسارلىق، قاجىماس دەنساۋلىق، وتباسىلارىڭىزعا اماندىق تىلەيمىز!" - دەلىنگەن قۇتتىقتاۋ سوزدە.