وڭتۇستىك قازاقستاننىڭ وبلىسىنىڭ اكىمى جانسەيىت تۇيمەبايەۆ شىمكەنت قالاسىنداعى اباتتاندىرۋ جۇمىستارىمەن تانىستى. بۇل جايىندا Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

اۋەلى «ءنۇرسات» شاعىناۋدانىنداعى جاڭا ساياباقتىڭ قۇرىلىسىن قاداعالادى. قازىرگى تاڭدا گۇلزاردا شىنار، تالشىن جانە قايىڭ اعاشتارى ەگىلۋدە. الداعى ۋاقىتتا ورىندىقتار مەن جارىقشامدار، روتوندار ورناتىلىپ، سان الۋان گۇل تۇرلەرى ەگىلەدى. گۇلزاردىڭ جالپى الاڭى 2 گەكتار اۋماققا جۋىقتايدى. سونداي-اق، دەمالىس اۋماعىندا شاعىن ساۋلەتتىك قۇرىلىمدار مەن بالالاردىڭ ويىن الاڭشالارىن سالۋ دا جوسپارلانعان.

كەيىن ءوڭىر باسشىسى بەكەت باتىر كوشەسىندەگى جاڭا ارباتتىڭ قۇرىلىس جۇمىستارىنىڭ جايىنا قانىق بولدى. ونىڭ جالپى ۇزىندىعى 900 مەتر. اربات بولاشاقتا شىمكەنتتىكتەر مەن شاھار قوناقتارىنىڭ سۇيىكتى ورنىنا اينالماق. ءتۇرلى مادەني شارالار ۇيىمداستىرىلىپ، ۇلتتىق اشەكەي مەن كادەسىيلار ساتىلاتىن بولادى.

قالاداعى ساپار قوشقار اتا وزەنى بويىنداعى اباتتاندىرۋ جۇمىستارىمەن تانىسۋمەن جالعاستى.   بۇگىندە  وزەننىڭ 1،6 شاقىرىم جەرىنە اباتتاندىرۋ جۇمىستارى جۇرگىزىلۋدە. سونداي-اق، اۋماقتا وزەن بويى تازارتىلىپ، جاعاسىنا ءتۇرلى ساندىك اعاشتار ەگىلىپ، اياقجولدار مەن شامدار ورناستىرىلادى.      

ايتا كەتەرلىگى، الداعى ۋاقىتتا شىمكەنت قالاسى 4 ارباتپەن جانە 32 گۇلزارمەن تولىعاتىن بولادى.