وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ەۋروپالىق قايتا قۇرۋ جانە دامۋ بانكىنىڭ استانا قالاسىنداعى وكىلدىگىنىڭ باسشىسى ا.وماروۆا باستاعان جۇمىسشى توپپەن كەزدەستى. باسقوسۋ بارىسىندا وڭىردە بالامالى ەنەرگيا كوزدەرىن وندىرەتىن سالاعا ينۆەستيسيا سالۋ ماسەلەسى ءسوز بولدى. ءوڭىر باسشىسى ايماقتا  قولايلى ينۆەستيسيالىق كليمات قالىپتاسقاندىعىن جانە ينۆەستورلارعا بارلىق جاعدايلار مەن جەڭىلدىكتەر جاسالىناتىنىن جەتكىزدى.

«وبلىستاعى 11 يندۋستريالىق ايماقتا  170-كە جۋىق ينۆەستيسيالىق جوبا جۇزەگە اسىرىلۋدا. "بيزنەستىڭ جول كارتاسى - 2020" باعدارلاماسى اياسىندا مەملەكەت ەسەبىنەن يندۋستريالىق ايماقتاعى كاسىپورىندار ىشكى جانە سىرتقى ينفراقۇرىلىممەن قامتاماسىز ەتىلەدى.  ەقدب-مەن بىرلەسكەن ينۆەستيسيالىق جوبالاردى جۇزەگە اسىرۋ ءۇشىن ءوز تاراپىمىزدان ىنتىماقتاسۋعا ءارقاشان دايىنبىز»، - دەدى جانسەيىت قانسەيىت ۇلى.

ايتا كەتەرلىگى، بۇعان دەيىن ايماق باسشىسى ەقدب-نىڭ قازاقستانداعى باسشىسى  اگريس پرەيمانيسپەن جۇزدەسكەن بولاتىن. بۇل كەزدەسۋدە جالپى قۇنى 33 ملن. ەۆرونى قۇرايتىن شىمكەنت قالاسىن سۋمەن جابدىقتاۋ جوباسى جانە   شىمكەنت-تاشكەنت اۆتوموبيل جولىن سالۋ مەن  شاردارا گەس-ىن جاڭعىرتۋ سىندى جوبالاردى جۇزەگە اسىرۋ جايى تالقىلانعان.

كەزدەسۋ سوڭىندا ەۋروپالىق قايتا قۇرۋ جانە دامۋ بانكى اتالعان جوبالاردى الداعى ۋاقىتتا جۇزەگە اسىرۋعا ىنتالى ەكەندىگىن جەتكىزدى.