بۇگىن ءتۇس اۋا سەمەيدىڭ شەتىندەگى ورماندى القاپتان ءورت شىقتى. جاڭادان سالىنىپ جاتقان «قاراعايلى» ىقشاماۋدانىنان ارىراقتان كوتەرىلگەن ءتىلسىز جاۋدىڭ قويۋ ءتۇتىنى قالا تۇرعىندارىنىڭ نازارىن بىردەن اۋداردى. بۇل تۋرالى zhasalash.kz سايتىنىڭ وڭىردەگى ءتىلشىسى حابارلادى.
قازىرگى ۋاقىتتا ءورتتى جەدەل ءسوندىرۋ ءۇشىن جەرگىلىكتى تج باسقارماسى 16 تەحنيكاسى مەن 35 جەكە قۇرامنان 70-كە جۋىق ادامىن شۇعىل تۇردە اتتاندىرعانىمەن، جەلدىڭ باعىتى دەر كەزىندە اۋىزدىقتاۋعا ىرىق بەرمەي تۇر. ازىرگە بەت قاراتپاس قىزىل جالىننىڭ تارالۋ اۋماعى 10-12 گەكتار شاماسىندا. سەمەي تج قىزمەتىنىڭ حابارلاۋىنشا، ورتكە قاتىستى قانداي دا ءبىر وقىس وقيعا ءالى تىركەلگەن جوق. تەك ءورتتىڭ بەتالىسى تىكۇشاقپەن باقىلانۋدا.
Cءاتجان قاسىمجان ۇلى، سەمەي قالاسى
فوتولار: Semei ارناسى
