"ازىرەت سۇلتان" مەملەكەتتىك تاريحي-مادەني قورىق-مۋزەيىندە جاس سۋرەتشىلەردىڭ «استانا جانە تۇركىستان» تاقىرىبىندا سۋرەت سالۋ بايقاۋى ءوتتى.

قىلقالام شەبەرلەرىنىڭ دوداسى ەلباسىمىز ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جانە استانا قالاسىنىڭ 20 جىلدىق مەرەيتويى مەن «ازىرەت سۇلتان» قورىق-مۋزەيىنىڭ 40 جىلدىعىنا وراي ۇيىمداستىرىلدى.
بايقاۋعا قالالىق مەكتەپ وقۋشىلارى مەن ۋنيۆەرسيتەت ستۋدەنتتەرى قاتىستى.
ق ر سۋرەتشىلەر وداعىنىڭ مۇشەسى، وقو سۋرەتشىلەر وداعى فيليالىنىڭ ءتوراعاسى شيلىبايەۆ نۇرلان، احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ «بەينەلەۋ ونەرى» كافەدراسىنىڭ پروفەسسورى، پ.ع.د.، ەرالين قۋاندىق، «بەينەلەۋ ونەرى» كافەدراسىنىڭ اعا وقىتۋشىسى شاحانبايەۆ مۇرات قازىلىق ەتكەن بايقاۋدا بالالار سالعان سۋرەتتەردەگى كوركەمدىك ۇيلەسىم، بوياۋ تاڭداۋ ءادىسى جانە تاقىرىپتاردى كەڭىنەن اشا بىلۋىمەن قاتار، وي ۇشقىرلىعى دا نازارعا الىندى.

سايىس قورىتىندىسى بويىنشا قازىلار القاسىنىڭ شەشىمىمەن 10-12 جاس ارالىعىندا ىرىكتەلگەن جاس سۋرەتشىلەر اراسىنان باس جۇلدەنى الديار دوسوۆ، ءبىرىنشى ورىندى قوجامۇحامەد ارمان، ەكىنشى ورىندى نۇريسلام ناۋرىزباي، ءۇشىنشى ورىندى شاۋەن داستان يەلەندى.

13-16 جاس ارالىعىنداعى سۋرەتشىلەر اراسىنان باس جۇلدەگە امانتۋر ەراسىل، ءبىرىنشى ورىنعا ءاليا ەمەنتاي، ەكىنشى ورىنعا كامولا جۋمانوۆا، ءۇشىنشى ورىنعا اراي مۇحاممەد لايىق دەپ تانىلدى.

ستۋدەنتتەر اراسىنان باس جۇلدەنى ۋبايدۋللايەۆا زيلولا، ءبىرىنشى ورىندى روزا ەشمەتوۆا، ەكىنشى ورىندى ەسەنقۇل نازەركە، ءۇشىنشى ورىندى تاجيمەتوۆا شاحنۋرا قانجىعاسىنا بايلادى.

سونىمەن قاتار، باس جۇلدەگە 50 مىڭ تەڭگە، ءبىرىنشى ورىنعا 30 مىڭ تەڭگە، ەكىنشى ورىنعا 20 مىڭ تەڭگە، ءۇشىنشى ورىنعا 10 مىڭ تەڭگە كولەمىندە سەرتيفيكاتتار تابىستالىپ، العىس حاتپەن جانە باعالى سىيلىقتار تابىستالدى.