2018 جىلدىڭ  22 مامىرى مەن 25 مامىرى ارالىعىندا «سامۇرىق -قازىنا» جىلجىمايتىن مۇلىك قورى» اق باعىتى بويىنشا شىمكەنتتەگى تۇران شاعىناۋدانى، 192-ورام، №979 جەر تەلىمىندە ورنالاسقان «اديا» تۇرعىن ءۇي كەشەنىندە تاپسىرىلاتىن 201 پاتەرگە قوسىمشا وتىنىمدەر قابىلدانادى. وتىنىمدەردىڭ «ە-gov» پورتالىنا تىركەلۋىن ەسق كىلتى ارقىلى ءاربىر قاتىسۋشى ءوزى قامتاماسىز ەتەدى جانە تولەم قابىلەتتىلىگىنە بايلانىستى پاتەردەگى بولمە سانىن ءوزى تاڭدايدى.

وتىنىمدەر مەن قۇجاتتاردىڭ ەلەكتروندى تۇردە تاپسىرىلۋى بويىنشا كەڭەس بەرۋ حالىققا قىزمەت كورسەتۋ ورتالىقتارىنداعى «ە-gov» پۋنكتەرىندە جانە شىمكەنت قالالىق تۇرعىن ءۇي قاتىناستارى ءبولىمى (ت.رىسقۇلوۆ كوشەسى، 8ا، №2 كاب.) ارقىلى جۇرگىزىلەدى.

«سامۇرىق -قازىنا» جىلجىمايتىن مۇلىك قورى» اق باعىتى بويىنشا قاتىسۋ ءۇشىن جەرگىلىكتى اتقارۋشى ورگاندا كەزەكتە تۇرۋى جانە تومەندەگى ساناتتارعا جاتۋى ءتيىس:

- ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار،

- مۇگەدەك بالالارى بار نەمەسە تاربيەلەپ وتىرعان وتباسىلار،

- جاسىنا قاراي زەينەت دەمالىسىنا شىققان زەينەتكەرلەر،

- جەتىم بالالار، اتا-اناسىنىڭ قامقورلىعىنسىز قالعان بالالار،

- ورالماندار،

- ەكولوگيالىق ءزىلزالالار، تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار،

- كوپ بالالى وتباسىلار،

- تولىق ەمەس وتباسىلار،

- مەملەكەتتىك، اسكەري قىزمەتشىلەر، ارناۋلى مەملەكەتتىك ورگانداردىڭ ، بيۋدجەتتىك ۇيىمداردىڭ قىزمەتكەرلەرى.

«سامۇرىق -قازىنا» جىلجىمايتىن مۇلىك قورى» اق ارقىلى بەرىلەتىن پاتەرلەردىڭ سيپاتتامالارى مەن جالعا الۋ ارقىلى ساتىپ الۋ تەتىكتەرى:

قاجەت قۇجاتتاردىڭ ءتىزىمى:

1. ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات؛
2. ءوتىنىش بەرۋشى مەن ونىمەن تۇراقتى بىرگە تۇراتىن وتباسى مۇشەلەرىن تۇرعىلىقتى جەرى بويىنشا تىركەۋ تۋرالى مەكەنجاي انىقتاماسى؛

3) نەكە قيۋ/نەكەنى بۇزۋ، جۇبايىنىڭ/زايىبىنىڭ قايتىس بولۋى، بالالاردىڭ تۋۋى تۋرالى كۋالىكتەرى، ءوتىنىش بەرۋشىنىڭ نەكەدە تۇرمايتىندىعى تۋرالى نوتاريات كۋالاندىرعان ءوتىنىش؛

4) ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسى اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋ مۇمكىندىگىمەن بەرىلەتىن تۇرعىن ءۇيىنىڭ بار نەمەسە جوق ەكەنى تۋرالى انىقتاما؛

5) جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى-قامىستى تۇرعىن ۇيدەگى، جاتاقحاناداعى بولمەدە ۇلەسى بولعان كەزدە) تۋرالى انىقتاما، سونداي-اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار؛

6) ءوتىنىش بەرۋشىنىڭ باسقا ادامدارىن وتباسى مۇشەلەرى رەتىندە تانۋ تۋرالى سوت شەشىمى؛

7) جالاقى تۋرالى انىقتاما؛

8) كەزەك ءنومىرىن نەمەسە بىرەگەي ءنومىردى كورسەتە وتىرىپ تۇرعىن ۇيگە مۇقتاج (باعدارلاماعا قاتىسۋعا ءوتىنىش بەرگەن كەزدە) ەسەبىنە قويۋ تۋرالى مالىمەتتەر؛

9) مەنشىكتى قاراجات جانە (نەمەسە) قارىز قاراجاتى ەسەبىنەن تۇرعىن ءۇيدى ساتىپ الۋعا دايىن ەكەنى تۋرالى ءوتىنىش؛

10) «تۇرعىن ءۇي قاتىناستارى تۋرالى» زاڭنىڭ 67-بابىنداعى ايقىندالعان مەملەكەتتىك قىزمەتكەرلەر، الەۋمەتتىك ءالسىز توپتار جانە باسقا دا ساناتتاردى راستايتىن قۇجاتتار.