شىمكەنت قالاسىنداعى ءبىلىم مەكەمەلەرىنىڭ قۇرىلىستارى بويىنشا 2018-2025 جىلدارعا ارنالعان جوسپار ءتۇزىلدى. جوسپار قالا بويىنشا مەكتەپ سانىن كوبەيتۋ ماقساتىندا ءۇش اۋىسىمدا ءبىلىم بەرەتىن مەكتەپتەردى جاڭالاۋ ماقساتىندا قولعا الىندى.

ناتيجەسىندە 2025 جىلعا دەيىن شىمكەنتتە 55 مەكتەپ عيماراتىن سالۋ جوسپارلاندى. ونىڭ ىشىندە 2018 جىلى - 8 جاڭا مەكتەپ سالىپ، 7 ءبىلىم وشاعىن قايتا قۇرۋ قۇرىلىسىن جۇرگىزۋ جوسپارلانعان. قازىرگى تاڭدا 6 جاڭا مەكتەپ سالىنۋدا. ولار: بوزارىق شاعىناۋدانىندا (900 ورىندى)، قىزىلجار ش/اۋد. (900)، شاڭىراق ش/اۋد. (600)، تۇران ش/اۋد. (1200)، اكىمشىلىك-ىسكەرلىك ورتالىعىنداعى مەكتەپ (1200)، 112-ورام (300). بۇعان قوسا 4 مەكتەپتى قايتا قۇرۋ قۇرىلىسى جۇرۋدە (№76 مەكتەپتە قوسىمشا عيمارات، №99 مەكتەپتە - 300 ورىندى عيمارات، №103 مەكتەپتە - 600 ورىندى، №115 مەكتەپتە - 300 ورىندى).

سونىمەن قاتار سامال-3 شاعىناۋدانىنداعى №6 ەمحانانىڭ جانىنان 1200 ورىندى جاڭا مەكتەپ سالۋ جوسپاردا بار. قازىرگى تاڭدا جوبالىق-سمەتالىق قۇجات ازىرلەنگەن. سونداي-اق، №85 مەكتەپتى قايتا قۇرۋ قۇرىلىسى دا جوسپارعا قويىلدى. تاعى ءبىر جاڭا مەكتەپ (سامال-3 شاعىناۋدانىنداعى №87 مەكتەپكە قارسى بەتتەگى 1200 ورىندى مەكتەپ) پەن 2 قايتا قۇرۋ قۇرىلىسىنىڭ (№63 مەكتەپكە قوسىمشا عيمارات، №101 مەكتەپكە 300 ورىندى قوسىمشا عيمارات) جوبالىق-سمەتالىق قۇجات دايىن.

ال 2019 جىلعا تومەندەگى قۇرىلىس نىساندارى جوسپارعا ەنگىزىلگەن:

- 3 جاڭا مەكتەپ (سايرام - 300، تۇران - 1200، اسار-2 - 1200) پەن 3 قايتا قۇرۋ قۇرىلىسىنىڭ (№23،109 جانە 120 مەكتەپتەر) جوبالىق-سمەتالىق قۇجاتتارى ازىرلەنۋدە.

- 4 قايتا قۇرۋ قۇرىلىسى جوسپارلانعان (№17،47،46 جانە 84 مەكتەپتەر).

سونداي-اق، تولەمەتوۆ كوشەسى، اقنيەت تۇرعىن الاپتارىندا سالىناتىن 4 جاڭا مەكتەپ قۇرىلىسىنا جانە №65 پەن 79 مەكتەپتەرگە قوسىمشا عيمارات قۇرىلىستارىنا قاجەتتى جەر تەلىمىنىڭ ماسەلەسى شەشىلۋدە.