بۇگىن وڭتۇستىك قازاقستان وبلىسىندا ىسكەرلىك قارىم-قاتىناستى دامىتۋ ماقساتىندا قازاقستان-وزبەكستان بيزنەس-فورۋمى باستالدى. فورۋم بارىسىندا العاش رەت ىسكەرلىك كەڭەستىڭ ءبىرىنشى كەزدەسۋى بولىپ ءوتتى. بۇل جايىندا Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ.

فورۋم جۇمىسىنا ەكى ەلدىڭ ەلشىلەرى ەرىك وتەمبايەۆ پەن سايديكرام نيازحودجايەۆ، ق ر ينۆەستيسيالار جانە دامۋ ۆيسە-مينيسترى قايىربەك وسكەنبايەۆ، وزبەكستان رەسپۋبليكاسىنىڭ سىرتقى ساۋدا ءمينيسترىنىڭ ورىنباسارى سوحيب سايفنازاروۆ، وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، وزبەكستانداعى ساۋدا-ونەركاسىپ پالاتاسىنىڭ ءتوراعاسى ادحام يكراموۆ پەن 400-دەن استام قوس ەلدىڭ كاسىپكەرلەرى قاتىستى.

ىسكەرلىك جيىندا ءسوز العان وبلىس اكىمى ج.تۇيمەبايەۆ بۇگىنگى باسقوسۋ باۋىرلاس ەلدەردىڭ ساۋدا-ەكونوميكالىق ىنتىماقتاستىعىنىڭ ارتۋىنا مۇمكىندىك بەرەتىنىنىن اتاپ ءوتتى.  «قازاقستان مەن وزبەكستان – ءوز¬دە¬ءرىنىڭ تاۋەلسىزدىكتەرىن نىعايتىپ، بولاشاققا باتىل قادام جاساپ كەلە جاتقان مەملەكەتتەر. وتكەن جىلداردا قوس تاراپتىڭ ديپلوماتيالىق قاتىناستارى ءوزارا سەنىمگە نەگىزدەلە وتى¬رىپ دامىدى. بۇل باعىتتاعى جۇ¬مىس¬تار بۇگىندە جاڭاشا قارقىن الىپ، ۋاقىت تالابىنا ساي جالعاسىن تابۋدا. وزبەكستان رەسپۋبليكاسى ورتالىق ازياداعى قازاقستاننىڭ نەگىزگى ستراتەگيالىق ارىپتەستەرىنىڭ ءبىرى بولىپ تابىلادى. ماسەلەن، وتكەن جىلى ەكىجاقتى ساۋدانىڭ كولەمى 30 پايىزعا ارتىپ، 2 ميلليارد اقش دوللارىن قۇرادى. ال ەكى ەلدىڭ كوشباسشىلارى بيىلعى جىلى ساۋدا اينالىمىن 3 ميلليارد دوللارعا ارتتىرۋدى، 2020 جىلعا قاراي 5 ميلليارد اقش دوللارىنا دەيىن ۇلعايتۋدى تاپسىردى. سوندىقتاندا قازىرگى تاڭدا ەكى ەلدىڭ كاسىپ¬كەر¬لەرىنە ناقتى قولداۋ كورسەتۋ ماڭىزدى. بۇگىنگى ءىس-شارا وسى ايتىلعان مىندەتتەمەلەردى جۇزەگە اسىرۋدا سەپتىگىن تيگىزەرى انىق. بۇل ءوزارا ىنتىماقتاستىققا جانە ەكى ەل اراسىنداعى بەرىك باۋىرلاستىق قاتىناستاردى ورناتۋعا باعىتتالعان تاعى ءبىر قادام»،-دەدى وبلىس اكىمى.

وقو كاسىپكەرلەر پالاتاسىنىڭ ۇيىمداستىرۋىمەن وتكەن فورۋم بارىسىندا تاراپتار بىرلەسكەن بيزنەس جوبالار مەن ينۆەستيسيالىق ۇسىنىستار جايىندا ىنتىماقتاستىقتى دامىتۋدى ءسوز ەتىپ، ەكسپورت پەن يمپورت بويىنشا ءۇشىنشى ەلدەرگە كىرۋ جايىن تالقىلادى.

بۇگىنگى تاڭدا وڭتۇستىك قازاقستان وبلىسى مەن وزبەكستان رەسپۋبليكاسى اراسىنداعى ساۋدا-ەكونوميكالىق قاتىناس قارقىندى دامىپ كەلەدى. ماسەلەن، 2017 جىلدىڭ قورىتىندىسى بويىنشا ەكى ەلدىڭ تاۋار اينالىمى 11،7 پايىزعا ارتتى. ال وسى جىلدىڭ سوڭعى ءۇش ايىنىڭ كورسەتكىشى بويىنشا وقو مەن وزبەكستان اراسىنداعى تاۋار اينالىم 125،7 ملن. اقش دوللارىن قۇراپ وتىر. سونىمەن قاتار، وڭتۇستىكتەن وزبەكستانعا 73،1 ملن.اقش دوللارى بولاتىن ءونىم  ەكسپورتتالسا،  ول جاقتان بىزگە 52،5 ملن. اقش.دوللارى كولەمىندەگى تاۋار يمپورتتالعان.

بۇگىنگى فورۋمنىڭ باستى يدەيالارىنىڭ ءبىرى ونىمدەردى ەڭ ءىرى الەمدىك نارىقتا، سونىڭ ىشىندە جۇڭگو مەن ەەو-دا بىرلەسىپ شىعارۋ جانە جىلجىتۋ بولىپ تابىلاتىنىن ايتقان وقو كاسىپكەرلەر پالاتاسىنىڭ ديرەكتورى اسقار ابۋباكىروۆ ايماقتىق ىنتىماقتاستىق فورۋمىن تۇراقتى نەگىزدە وتكىزۋ تۋرالى ۇسىنىسىن جەتكىزدى. ال اتالعان ۇسىنىستى وزبەكستان تاراپى ءبىراۋىزدان قولدادى.

ايتا كەتەيىك، قازىرگى ۋاقىتتا وقو-دا وزبەك كاپيتالىمەن ينۆەستيسيالىق جوبالار ىسكە اسىرىلۋدا. مىسالى، وتكەن جىلى بادام يندۋستريالىق ايماعىندا گاز پليتالارىن ءوندىرۋ بويىنشا سەح اشىلدى. بۇدان باسقا، شىمكەنتتەگى يندۋستريالدى ايماقتا ينۆەستيسيا كولەمى 8،6 ملن.اقش. دوللار بولاتىن بيتۋم زاۋىتى سالىنىپ جاتىر.

وڭتۇستىك قازاقستاندا وسىنداي جوبالاردى جۇزەگە اسىرۋ ءۇشىن جالپى اۋدانى 959 گا قامتيتىن 11 يندۋستريالدى ايماق، سونداي اق «وڭتۇستىك» ارنايى ەكونوميكالىق ايماق پەن كولىك جانە لوگيستيكا ايماقتارى بار.

بيزنەس-فورۋم كەزىندە ەكى ەل كاسىپكەرلەرىنىӊ قاتىسۋىمەن ۆ2ۆ فورماتىندا كەلىسسوزدەر ءجۇرىپ، ءبىرقاتار باعىتتا ىسكەرلىك ارىپتەستىكتى دامىتۋ ماقساتىندا ەكى جاقتى قۇجاتتارعا قويىلدى. قاتىسۋشىلار ءوزارا ىس-ارەكەتتەر جاقىن بولاشاقتا ءوز ناتيجەسىن بەرەرىنە سەنىم ءبىلدىردى.

سونىمەن قوسا فورۋمعا قاتىسۋشىلار وتاندىق تاۋار وندىرۋشىلەر ۇسىنعان ونىمدەر كورمەسىن تاماشالادى.