دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، قازاقستان وزىنە-وزى قول جۇمساۋ سانى بويىنشا الەمدەگى بەس ەلدىڭ قاتارىندا. اۋىلدىق ايماقتاعى بالالار اراسىندا ءوزىن-وزى ءولتىرۋ سانىنىڭ ءوسۋ فاكتىسى كوپ قاپالاندىرادى. بالالارداعى وزىنە-وزى قول جۇمساۋدىڭ سەبەپتەرى: ەموسيونالدىق جانە فيزيكالىق تەرىس قىلىق، اتا-انالاردىڭ قاراۋسىزدىعى، قۇرداستارىنىڭ ار-ۇجداندارى، وزىنە-وزى كۇماندانۋ جانە وزىندىك قۇندىلىقتى تۇسىنبەۋى بولىپ تابىلادى.

وسىعان وراي، «جاڭا ۇرپاق» رەسپۋبليكالىق كوشباسشىلىق مەكتەبى كورسەتىلگەن جاعدايدى وزگەرتۋگە باعىتتالعان «اۋىل كوشباسشىلارى» اتتى ارنايى جوبا قۇراستىردى.

2018-2019 جج. «جاڭا ۇرپاق» وزىنە، قازاقستان رەسپۋبليكاسىنىڭ بارلىق اۋىلدارىندا كوشباسشىلىق بويىنشا ترەنينگتەر وتكىزۋ بويىنشا ستراتەگيالىق مىندەت قويىپ وتىر. بۇل جوبانى دامىتۋعا جانە دە اۋىلدىق جاستاردى دامىتۋعا، كاسىپكەرلەر قارجىلاي قولدايتىنىن اتاپ ءوتۋ كەرەك.

بۇگىنگى تاڭدا جوبانىڭ ءبىرىنشى كەزەڭى جۇزەگە اسىرىلۋدا، ونىڭ شەڭبەرىندە ماڭعىستاۋ وبلىسىنىڭ اۋىلدىق مەكتەپتەرىندە 68 ترەنينگ ۇيىمداستىرىلدى.

بۇل ترەنينگتەرگە 8000-عا جۋىق جوعارى سىنىپ وقۋشىلارى قاتىستى.

وسى ترەنينگتەر بارىسىندا ءبىر ايدىڭ ىشىندە ءوز اۋىلدارىندا الەۋمەتتىك جوبالاردى جۇزەگە اسىراتىن توپتار ۇيىمداستىرىلدى.

ەكىنشى كەزەڭدە جوبالاردان جاقسى ناتيجە العان كوماندالار ىرىكتەلىپ الىنادى.

          ءۇشىنشى كەزەڭدە 10 ادامنان تۇراتىن 10 كوماندا تاڭداپ الىنىپ، الماتى قالاسىنىڭ وقۋ-جاتتىعۋ جيىندارىنا قاتىسۋعا جولداما الادى.

«اۋىل كوشباسشىلارى» جوباسىنىڭ الەۋمەتتىك ماڭىزدىلىعىن جانە ەلىمىزدىڭ اۋىلدارىنداعى كۇردەلى قارجىلىق جاعدايدى ەسكەرە وتىرىپ، ءۇشىنشى كەزەڭدى ۇيىمداستىرۋعا 20 ميلليون تەڭگە جيناۋ جوسپارلانىپ وتىر (1 قاتىسۋشىعا 200 000 تەڭگە مولشەرىندە). بۇل قاراجات جوبانىڭ نەگىزگى شىعىندارىن - اقتاۋ-الماتى-اقتاۋ باعىتىن، «ورنەك» لاگەرى بازاسىندا 7 كۇندىك تۇرمىستى، كۇنىنە 6 رەت تاماقتانۋدى جانە قالالىق تۋرلاردى قامتيدى.

21 مامىردا قاراجات جيناۋ ءۇشىن ەلىمىزدىڭ كاسىپكەرلەرى، سونداي-اق كورنەكتى ونەر قايراتكەرلەرى شاقىرىلاتىن قايىرىمدىلىق كەشى ۇيىمداستىرىلادى.

ءبىز سىزدەن وسى جوباعا قولداۋ كورسەتۋىڭىزدى جانە بۇقارالىق اقپارات قۇرالدارىڭىزدىڭ كەڭىستىكتەرىنە جاريالاۋىڭىزدى سۇرايمىز. سونداي-اق، ءبىز ءسىزدى وسى جوبانىڭ اياسىندا 21 مامىردا قايىرىمدىلىق كەش وتكىزۋگە شاقىرامىز.

3 جىل بويى «جاڭا ۇرپاقا» كوشباسشىلىق مەكتەبى جاسوسپىرىمدىك ماسەلەلەر بويىنشا، اتا-انالار مەن بالالار اراسىنداعى قارىم-قاتىناس، كاسىپتىك باعدارلاۋ، ولاردىڭ «جەكە باسىن» قالىپتاستىرىپ، ەل جاستارىنىڭ مورالدىك، رۋحاني تاربيە جانە دامۋ يدەيالارىن قولدايدى. «جاڭا ۇرپاق» قۇرىلعاننان باستاپ، كوشباسشىلىققا باعىتتالعان 4 مىڭنان استام ترەنينگتەر وتكىزدى، قازاقستاننىڭ 17 قالاسىنان 10 مىڭنان استام مەكتەپ وقۋشىلارى وقۋ باعدارلاماسى بويىنشا ءوتتى.

2016 جىلى ءبىز يۋنەسكو كلۋبىنىڭ رەسمي مارتەبەسىنە يە بولدىق. سول سياقتى، «جاعا ۇرپاقتىڭ» اۋىلدىق جەرلەردەگى جاستارمەن جۇمىس تاجىريبەسى بار.

«جاڭا ۇرپاقتىڭ» ميسسياسى – قازاقستاننىڭ جاڭا، كوشباسشى ۇرپاعىن تاربيەلەۋ ارقىلى، مەملەكەتىمىزگە الەمنىڭ ەڭ دامىعان 10 ەلىنىڭ قاتارىنا كىرۋگە كومەكتەسۋ بولىپ تابىلادى.

2030 جىلعا قاراي «جاڭا ۇرپاق» ءوزىنىڭ سۇيىكتى ىسىمەن اينالىساتىن 100 000 كوشباسشىنى وقىتىپ شىعۋدى جوسپارلاپ وتىر.