الماتى — استانا تراسساسىندا جەزقازعان — الماتى باعىتىندا قاتىنايتىن جولاۋشىلار اۆتوبۋسى ورتەنىپ كەتتى. بۇل تۋرالى وبلىستىق تجد باسپا ءسوز قىزمەتى حابارلادى.
وقيعا 22 مامىر كۇنى ساعات 22.00-دە الماتى تاسجولىنىڭ 56-كيلومەترىندە چاپايەۆ اۋىلىنىڭ ماڭىندا بولعان.
"جەزقازعان — الماتى باعىتىندا كوممەرسيالىق رەيس ورىندايتىن VANHOOL ماركالى (م/ن 979 TDA 09) اۆتوبۋس ورتەندى"، - دەلىنگەن توتەنشە جاعدايلار دەپارتامەنتى تاراتقان حابارلامادا.
ءورت ساعات 23.10-دا ءسوندىرىلدى. اۆتوبۋس سالونىندا سەگىز ادام بولعان، ولار وزدەرى شىققان. قۇربان بولعاندار مەن زارداپ شەككەندەر جوق.
