ەۋرازيا مەديا فورۋمىنىڭ اشىلۋىندا الماتى قالاسىنىڭ اكىمى باۋىرجان بايبەك قازاق تىلىندە ءسوز سويلەدى.
«قوناقجاي قازاق جەرىنە قوش كەلدىڭىزدەر! بۇگىن سىزدەرمەن 15 ەۋرازيا مەديا فورۋمىندا جۇزدەسىپ وتىرعانىما قۋانىشتىمىن. ەڭ العاش وسىدان 16 جىل بۇرىن 2002 جىلى ەلباسىنىڭ قولداۋىمەن الماتى قالاسىندا ەۋرازيالىق مەديا فورۋمىنىڭ تۇساۋى كەسىلگەن بولاتىن. بۇگىندە فورۋم حالىقارالىق مەديا كەڭىستىكتىڭ كۇن تارتىبىندەگى ماسەلەردى تالقىلاۋ مەن وڭتايلى شەشىم ۇسىنۋدا، باتىس پەن شىعىستى ءبىر ارناعا توعىستىرعان بىرەگەي الاڭعا اينالدى. وسىناۋ اۋقىمدى باسقوسۋدىڭ الماتىدا ءوتۋى ءبىز ءۇشىن ۇلكەن مارتەبە. سەبەبى، فورۋم ءبىر ەل عانا ەمەس، بۇكىلالەمدىك قاۋىمداستىق ءۇشىن كۇن تارتىبىندە تۇرعان ماسەلەلەردى تانىمال ايتۋلى جۋرناليستەردىڭ، قوعام جانە ساياسي قايراتكەرلەردىڭ، ساراپشىلاردىڭ تالقىلاۋىمەن ەرەكشەلەنەدى»، - دەيدى باۋىرجان بايبەك.
ءوز سوزىندە قالا اكىمى فورۋمدى ۇيىمداستىرۋ كوميتەتىنە جانە داريعا نۇرسۇلتانقىزىنا جەكە العىز ءبىلدىردى.
«الماتى، ەلباسى ايتقانداي، تاۋەلسىزدىگىمىزدىڭ التىن بەسىگى. مىڭ جىلدىق تاريحى بار شاھار، ەلىمىزدىڭ مادەني-سپورتتىق، قارجى-ەكونوميكالىق جانە ىسكەرلىك ورتالىعى. الەمدىك دەڭگەيدەگى باسقوسۋلار مەن كەلىسسوزدەر قالانعان ورتالىق ازياداعى ءىرى مەگاپوليس. ەلىمىزگە كەلگەن ءاربىر ەكىنشى شەتەلدىك تۋريست ارنايى ات باسىن بۇراتىن ايماقتاردى كورۋ ورتالىعى. مۇندا شەتەلدىك ۇيىمدار مەن ترانسۇلتتىق كومپانيالاردىڭ باسىم-كورشىلىگىنىڭ وفيستەرى، ەلىمىزدەگى بىرلەسكەن كومپانيالاردىڭ 43 پايىزى ورنالاسقان.
قالا ەكونوميكاسىندا ساۋدا-ساتتىق، قارجى جانە باسقا دا قىزمەتتەردىڭ ۇلەسى 86 پايىزدى، ەكونوميكانىڭ التىن وزەگى شاعىن جانە ورتا بيزنەستىڭ ۇلەسى 34 پايىزدى قۇرايدى. 4000-نان استام ۇكىمەتتىك ەمەس ۇيىمدار جانە 1000-نان استام بۇقارالىق اقپارات قۇرالدارى قىزمەت ەتەدى. 2016 جىلى يۋنەسكو كولەمىندە الماتىنىڭ مىڭ جىلدىق مەرەيتويى، وتكەن جىلى بۇكىلالەمدىك 28 ۋنيۆەرسيادا ويىندارى جوعارى دەڭگەيدە ءوتتى»، - دەدى باۋىرجان بايبەك.
ونىڭ ايتۋىنشا، جىل باسىنان بەرى الماتى ەكونوميكالىق-ىنتىماقتاستىق جانە «دامۋ» ۇيىمىنىڭ ەۋرازيالىق اپتالىعى، ەۋرازيالىق ەكونوميكالىق وداقتىڭ فورۋمى، بۇۇ قازاقستان قىزمەتىنىڭ 25 جىلدىعىنا ارنالعان كەڭەسى ۇيىمداستىرىلدى.
الماتى اكىمى، سونىمەن قاتار، بيىل قازان ايىندا دۇنيەجۇزى دەنساۋلىق ساقتاۋ ۇيىمىنىڭ الماتى دەكلاراسياسىنىڭ 40 جىلدىعىنا وراي ءىس-شارالار ۇيىمداستىرىلاتىنىن ايتىپ ءوتتى.
