«سەمەي ورمانى» مەملەكەتتىك تابيعي رەزەرۆاتىندا تۇتانعان ءورت تولىق ءسوندىرىلدى. الايدا ءتىلسىز جاۋمەن كۇرەس جۇمىستارى ءالى دە جالعاسىپ جاتىر. ال قالالىق توتەنشە جاعدايلار باسقارماسىنىڭ انىقتاۋشىلارى بۇل ءىس بويىنشا ماتەريالداردى ىشكى ىستەر باسقارماسىنا وتكىزگەن دەپ جازادى 24.kz-كە سىلتەمە بەرىپ Qamshy.kz اقپارات اگەنتتىگى.

ءورت قويعاندار ىزدەستىرىلىپ جاتىر. ورمان ءورتىن ءوشىرۋدىڭ وزىندىك قيىندىقتارى بار. جەردەگى جالىننىڭ الەگى باسقا. ءتىلسىز جاۋ بيىك قاراعايدىڭ باسىنا شىعىپ العاننان كەيىن ونداعى بۇرشىكتەر جان-جاققا جارىلعىش زات سياقتى ۇشقىن تاستاپ وتىرادى. ءتىپتى ونىڭ جىلدامدىعى ساعاتىنا 40-50 شاقىرىمعا دەيىن جەتەدى ەكەن.

سوڭعى اقپاراتتار بويىنشا، 260 گەكتاردان استام القاپتى قىزىل جالىن جالماعان. ءتىلسىز جاۋمەن كۇرەسكە 70-تەن استام تەحنيكا، 300-دەن استام ادام جۇمىلدىرىلىپتى. كەشە تاڭەرتەڭ جاۋعان جاڭبىر دا قىزىل جالىننىڭ بەتىن قايتارۋعا سەپ بولعان. ورماندا ءورت اۋىزدىقتالعانمەن، ءالى دە شوق ءسوندىرۋ جۇمىستارى كۇشەيتىلىپتى.  بۇل ءورتتىڭ شىعۋ سەبەپتەرىمەن پوليسەيلەر اينالىسىپ جاتىر.