اقش پرەزيدەنتى اكىمشىلىگى ەگەر پىكىرتالاس وزگە باعىتتا وربىسە، كەزدەسۋ ءۇزىلىپ قالۋى مۇمكىن ەكەنىن ەسكەرتىپ وتىر. اقش مەملەكەتتىك حاتشىسى مايك پومپەو سولتۇستىك كورەيامەن "ءساتسىز مامىلەگە" جول بەرىلمەيتىنىن ايتتى. پحەنيان دا ءوز كەزەگىندە امەريكا-وڭتۇستىككورەيالىق اسكەري-اۋە جاتتىعۋىنا بولا، كەزدەسۋدەن باس تارتۋى مۇمكىن ەكەنىن مالىمدەدى.
سونىمەن بىرگە ءبىرقاتار الەمدىك باق-تىڭ حابارلاۋىنشا، كيم چەن ىن سينگاپۋرگە ترامپپەن كەزدەسۋگە بارعان كەزدە، ەلىندە اسكەري توڭكەرىس بولىپ قالۋى مۇمكىن دەپ قاۋىپتەنەدى. The Washington Post گازەتى دەرەككوزىنىڭ مالىمەتىنشە، كحدر وكىلدەرى كيم چەن ىن ۇشاعى كەرى قايتۋى ءۇشىن جەتكىلىكتى دەڭگەيدە جانارماي بولۋى قاجەتتىگىن تالاپ ەتىپ جاتىر.
ترامپ پەن كيم چەن ىن كەزدەسۋى 12 ماۋسىمعا جوسپارلانعان. وسىعان دەيىن اقش-تىڭ بىردە-بىر پرەزيدەنتى سولتۇستىك كورەيا ليدەرىمەن كەزدەسكەن ەمەس.
