استاناداعى داۋىلدان كەلگەن شىعىن كولەمى 200 ميلليون تەڭگەنى قۇرادى - دەپ حابارلايدى  Tengrinews.kz . 

بريفينگ كەزىندە استانا قالاسى تجد توتەنشە جاعدايدى ەسكەرتۋ ءبولىمىنىڭ باسشىسى ەركىن وتارعالىم ۇلى داۋىلدان كەلگەن شىعىن ءالى دە ەسەپتەلىپ جاتقانىن، دەگەنمەن الدىن الا ەسەپ جاسالعانىن مالىمدەدى. 

"شىعىن ەسەپتەلىپ جاتىر، ءالى اياقتالعان جوق. (...) كەشە زارداپتى جويۋ شتابىنىڭ جەدەل كەڭەسى ءوتتى، تاپسىرمالار بەرىلىپ، بارلىق اقپارات وڭدەلدى. بۇلىنگەن جەرلەردى قالىپقا كەلتىرۋ ءۇشىن شامامەن 235 ميلليون تەڭگە قاجەت"، - دەيدى ول. 

ەسكە سالايىق، 22 مامىردا استانادا جاۋىن باستالىپ، ارتىنان قاتتى داۋىل بولىپ، بۇرشاق جاۋعان. قالا تۇرعىندارى بارلىعىن ۆيدەوعا ءتۇسىرىپ، الەۋمەتتىك جەلىلەرگە جۇكتەگەن.  "قازگيدرومەت" رمك مالىمەتىنشە، 22 مامىردا ەلوردا اۋماعىندا جەل جىلدامدىعى سەكۋندىنا 25 مەتر بولعان. ال داۋىل سالدارىنان 13 ادامنىڭ زارداپ شەككەنى حابارلاندى.  ال  "112" جەدەل قىزمەتىنە ءتۇرلى سيپاتتاعى قوڭىراۋلار شالىنعان: كراننىڭ قۇلاعانىتۋرالى، شاتىر، قورشاۋ، ءۇي، مەكتەپ، بالاباقشا مەن وزگە دە عيماراتتاردىڭ سىرتىنىڭ قاپتامالارى ۇشقانى جايىندا. سونىمەن قاتار، ءتۇرلى زاتتاردىڭ قۇلاۋىنان 16 كولىك بۇلىنگەنى دە حابارلانعان.