الماتى اكىمى باۋىرجان بايبەك جۇمىس ساپارى بارىسىندا ورتالىق مادەنيەت جانە دەمالىس ساياباعىنىڭ اينالاسىن قاراپ شىقتى. باسقارۋشى كومپانيا 1،6 ملرد. تەڭگە جەكە ينۆەستيسيا بولىنگەن رەكونسترۋكسيانىڭ كەشەندى جوسپارىن كورسەتتى.

جاڭارعان ساياباق ايماقتارعا بولىنەدى، مۇندا تەگىن سكەيتودروم، ۆوركاۋت جانە كوماندالىق ويىندار الاڭدارى بار سپورت اۋماعى، بالالاردىڭ جاڭا قالاشىعى پايدا بولادى. جاڭا ءارى زاماناۋي اتتراكسيوندار جاسالادى.

تاياۋ ارادا تروتۋارلاردى جوندەۋ باستالادى، جارىق كوزدەرى ورناتىلىپ، فونتاندار جاڭارادى. زاماناۋي تالاپقا ساي كەلمەيتىن ساۋدا وبەكتىلەرى الىنىپ تاستالادى. مەملەكەتتىك - جەكە ارىپتەستىك قاعيداسى بويىنشا سوناۋ 90–شى جىلدان بەرى جۇمىس ىستەمەي تۇرعان «ۆەلوترەك» قايتا جاسالادى.

قوسىمشا اعاش وتىرعىزىلىپ، قالا ساياباعىنىڭ ورتاسىنداعى كولىك تۇراعىن جابۋ ەسەبىنەن اسفالتبەتون توسەلگەن اۋماق قىسقارادى.

ايتا كەتەرلىگى، قۇرىلىس جۇمىستارى كەلۋشىلەرگە قولايلى بولۋ ءۇشىن كەزەڭ بويىنشا جۇرەتىن بولادى.

ايتا كەتەرلىگى، الماتىدا بيىلعى جازدا 150-دەن استام كوشە جوندەلەدى، 30 كم تروتۋارلار جاسالادى، 600 اۋلا كورىكتەندىرىلەدى. بارلىق جەر استى وتپەلى جولدار كۇردەلى جوندەلەدى، جاڭا فونتاندار سالىنادى. بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنان وزگە مەگاپوليستىڭ ءبىرقاتار نەگىزگى داڭعىلدارى تۇگەلدەي جاڭارادى.