نۇرسۇلتان نازاربايەۆ الماتى قالاسىنىڭ سپورت ينفراقۇرىلىمىن، مەديسينالىق قىزمەت كورسەتۋ جانە سيفرلاندىرۋ نىساندارىن ارالاپ كورگەننەن كەيىن وعان قالا اكىمى باۋىرجان بايبەك ءوڭىردىڭ الەۋمەتتىك-ەكونوميكالىق دامۋ قارقىنى، باستى مەملەكەتتىك باعدارلامالاردىڭ ىسكە اسىرىلۋ بارىسى جانە الداعى جوسپارلارى جونىندە باياندادى.
– الماتى ەلىمىزدىڭ ەڭ ءىرى جانە اسەم قالاسى بولىپ قالا بەرمەك. سول سەبەپتى اكىمدىك قالاعا دەگەن جاناشىرلىعىن كورسەتە وتىرىپ، شىنايى ىقىلاسپەن جۇمىس ىستەۋى كەرەك. مەن جولداردىڭ، مەكتەپتەر مەن بالاباقشالاردىڭ جوندەلىپ، الەۋمەتتىك ينفراقۇرىلىمنىڭ جاقسارا تۇسكەنىن، سونداي-اق جاڭا اۋدانداردىڭ پايدا بولعانىن كورىپ وتىرمىن. بۇل جۇمىستى تۇراقتى تۇردە جۇرگىزۋ قاجەت، – دەدى ەلباسى.
كەزدەسۋ سوڭىندا قازاقستان پرەزيدەنتى الماتى قالاسىن ودان ءارى وركەندەتۋ جونىندە ناقتى تاپسىرمالار بەردى.
