الماتىدا ءوتىپ جاتقان ەۋرازيالىق مەديا فورۋم بارىسىندا ساراپشىلار fake جاڭالىقتارمەن قالاي كۇرەسۋگە بولاتىنىن تالقىلادى.
ەقىۇ-نىڭ ب ا ق بوستاندىعى بويىنشا وكىلى ارلەم دەزير fake جاڭالىقتار پروبلەماسىنىڭ بارلىق ەلدە بارىن ايتتى.
«fake جاڭالىقتار ەۋروپادا، رەسەيدە، تۇركيادا، قازاقستاندا، اقش-تا بارلىق ەلدىڭ مەدياكەڭىستىگىندە بەلەڭ الىپ بارادى. مۇنداي اقپاراتتار قوعامعا وتە ىقپال ەتەدى. ونى ءبىر عانا ادام ويلاپ تابۋى مۇمكىن. fake جاڭالىقتار تەز ۆيرۋستىق جاڭالىقتارعا اينالادى. ادامدار مۇنى دەموكراتيانىڭ ءبىر كورىنىسى دەپ ويلايدى. وسىنىڭ كەسىرىنەن ب ا ق جۇمىسىنا سەنىم ازايىپ بارادى. كوپتەگەن ەلدە جالعان اقپاراتتى بولدىرماۋ ءۇشىن شەكتەۋگە دەيىن بارادى. الايدا، بۇل جەردە ءسوز بوستاندىعىنا نۇقسان كەلمەۋىن قاداعالاۋ كەرەك»، - دەدى ارلەم دەزير.
ۋكراين ساياساتتانۋشىسى، جۋرناليست اندرەي بۋزاروۆ قازاقستاندا الەۋمەتتىك جەلىلەردە شەكتەۋ جوقتىعىن ايتتى
«رەسەيدە Telegram تىيىم سالىنعان. قىتايدا فەيسبۋك، WhatsApp، Viber جۇمىس جاسامايدى. قازاقستانعا كەلگەنىمدە تەلەفونىم مىڭداعان حابارلامادان جارىلىپ كەتە جازدادى. مەن ءتىپتى ونداي قوسىمشالارمەن قالاي جۇمىس جاسايتىنىنىن ۇمىتىپ قالىپپىن. بۇل قازاقستاندى تمد ايماعىندا ەڭ پروگرەسسيۆتى، ءسوز بوستاندىعى ساقتالعان ەل ەتىپ كورسەتەدى»، - دەدى اندرەي بۋزاروۆ.
ۋكراين ءجۋرناليسى كاتەرينا سەرگاسكايا fake اقپاراتتىڭ ۋكراين حالقىنا كەلتىرگەن زالالىن تىلگە تيەك ەتتى.
«fake اقپاراتتار مەنىڭ ەلىمە وتە قاتتى نۇقسان كەلتىردى. ينتەرنەتتەگى جالعان اقپاراتتان ۋكرايناعا شابۋىل باستالدى. بيلىك ونداي اقپاراتتارمەن كۇرەسۋ كەرەكتىگىن، اقپاراتتىق قاۋىپسىزدىككە نۇقسان كەلتىرەتىنىن ءتۇسىندى. ءقازىر مەنىڭ ەلىمدە جۋرناليستەر ەلگە زالالىن تيگىزەتىن كەيبىر اقپاراتتى جاريالامايتىن بولدى. ءبىز fake اقپاراتتارمەن تەك فاكچەكينگ ارقىلى كۇرەسە الامىز. اۋديتورياعا تەك شىندىق كەرەك»، - دەدى ۋكرايندىق جۋرناليست.
ايتا كەتۋ كەرەك، الماتىدا XV ەۋرازيالىق مەديا فورۋم ءوز ەسىگىن اشتى.
ورتالىق ازياداعى تاۋەلسىز ديالوگ الاڭى اتالعان ەۋرازيا مەديا فورۋمىنا 60-تان استام ەلدەن 500 دەلەگەت قاتىسۋدا. القالى جيىندا ساراپشىلار مەن ساياساتكەرلەر، ەكونوميستەر مەن قوعامدىق پىكىر يەلەرىنىڭ قاتىسۋىمەن قازاقستاننىڭ، ەۋرازيانىڭ، جالپى الەمدىك قاۋىمداستىقتىڭ ەكونوميكالىق، گەوساياسي، الەۋمەتتىك مادەني ماسەلەلەرىن تالقىلاۋدا. فورۋمنىڭالعاشقى كۇنى شەبەرلىك دارىستەرىنەن باستالدى.
