الماتىدا ءوتىپ جاتقان ەۋرازيالىق مەديا فورۋم بارىسىندا ۇيىمداستىرۋ كوميتەتىنىڭ ءتورايىمى داريعا نازاربايەۆا بۇگىنگى جۋرناليستيكا كەلبەتى تۋرالى ويىمەن ءبولىستى.

ونىڭ ايتۋىنشا، ءقازىر بلوگەرلەر ءداستۇرلى جۋرناليستيكا وكىلدەرىنە قاراعاندا تانىمال بولىپ جاتقانىن ايتتى.

«اشىق ينتەرنەت الاڭى تەك قانا تالانتتى جۋرناليستەرگە عانا ەسىك اشقان جوق. سونىمەن قاتار، اقپاراتتىق سوعىستىڭ كوزگە كورىنبەيتىن ساربازدارىنا دا جول اشتى. فەيكتەرمەن ترولدەر  جالعان اقپارات شىعارىپ، قوعامدىق پىكىرگە ىقپال ەتە باستادى. ولاردىڭ قاسىندا تابلويدتار ابىرويلى بولىپ وتىر. عالامتوردىڭ قارقىندى دامۋى، الەۋمەتتىك جەلىلەردىڭ ءومىردىڭ اجىراماس بولىگىنە اينالعانى الەمدى تۇبەگەيلى وزگەرتتى. ديەۆايستار مەن گادجەتتەر قولجەتىمدى. بۇل كەز كەلگەن ادامنىڭ مەديپروسەسكە قاتىسۋىنا كەپىلدىك بەرىپ وتىر. بلوگەرلەر مەن جەلىلىك اۆتورلار بەدەلدى جۋرناليستەرمەن باسەكەگە ءتۇسىپ جاتىر. سونىڭ كەسىرىنەن ءىرى باسىلىمدار تيراج جوعالتۋدا»، - دەدى ول.

ونىڭ ايتۋىنشا، گازەتتەردەن بولەك، تەلەارنالار دا باسەكەگە قابىلەتتىلىگىن جوعالتىپ الماۋى ءۇشىن جاڭا فورماتقا كوشۋى كەرەك.  

«كەز كەلگەن سمارتفونى بار ادام رەپورتاج، دەرەكتى فيلم تۇسىرە الادى. 2005 جىلى پايدا بولعان Youtube ۆيدەوحوستينگى ميلليونداعان اۋديتوريانى جينايتىن اۆتورلاردىڭ الىپ ستۋدياسى بولىپ وتىر»، - دەدى نازاربايەۆا.