داريعا نازاربايەۆا XV ەۋرازيالىق مەديا فورۋمنىڭ اشىلۋىندا سيفرلىق ۇرپاقتىڭ بۇگىنگى كەلبەتى تۋرالى ايتتى، دەپ حابارلايدى Qamshy.kz اقپارات اگەنتتىگى.
فورۋمدى ۇيىمداستىرۋ كوميتەتىنىڭ ءتورايىمى داريعا نازاربايەۆانىڭ ايتۋىنشا، بۇگىنگى ب ا ق وسىدان بىرنەشە جىل بۇرىنعىعا تۇبەگەيلى ۇقسامايدى.
فورۋمنىڭ وتۋىنە تىكەلەي ات سالىسقان ۇيىمداستىرۋ كوميتەتىنىڭ ءتورايىمى بولعان داريعا نازاربايەۆا ءوز قۇتتىقتاۋىن ايتا كەلە: "اشىق ينتەرنەت الاڭى، جالپى جۇرتشىلىققا مۇمكىندىك بەرىپ وتىر. قانداي سالانىڭ ادامى بولماسىن، ءىرى جۋرناليستپەن باسەكەگە ءتۇسىپ، ۇلكەن باسىلىمداردىڭ تيراج جوعالتۋىنا اكەلىپ جاتىر"-دەدى.
«ءبىزدىڭ اينالامىزداعى وزگەرىستەرگە كەلسەك، بۇل تۋرالى ايتاتىن نارسە جەتەرلىك. اقپارات قۇرالدارى تۇبەگەيلى وزگەردى. ەڭ العاش رەت 2002 جىلى الماتىدا باس قوسقاندا iPhone دا، Facebook تە، Instagram دا، WhatsApp تا بولماعان. بۇل جاڭا تەحنولوگيالار ءبىزدىڭ ومىرىمىزگە اينالدىرعان بىر-ەكى جىلدا ەنىپ، اجىراماس بولىگىنە اينالدى. پەيدجەر دەگەن ءسوز ۇمىتىلدى. تەلەفونداردى تەك كونە فيلمدەردەن كورەمىز. تەلەديدار جاشىگى "سۇيىق" ەكرانعا اينالدى. سمارتفون ءقازىر قالتاعا سىيىپ كەتەتىن كومپيۋتەر»، - دەدى ول.
داريعا نازاربايەۆا بۇل وزگەرىستەردىڭ قازىرگى ۇرپاق ومىرىنە قالاي ىقپال ەتىپ جاتقانىن ايتتى.
«ءبىز بالا كەزىمىزدە قۋىرشاقپەن قالاي وينادىق. تۋرا سولاي قازىرگى بالالار ديەۆايستەردەن اجىرامايدى. الەمدىك مەدياتۇتىنۋ وزگە كەيىپكە ەندى. قازىرگى سيفرلىق ۇرپاق اقپاراتتار الەمىن كوز ىلەسپەس جىلدامدىقپەن مەڭگەرىپ كەلەدى. بۇل ۇرپاق ءداستۇرلى نەمەسە بالاما اقپارات كوزدەرىن قاتار پايدالانادى. ولار عالامتور مۇمكىندىگىن قالىپتاعى جاعداي ەتىپ قابىلدايدى»، - دەدى د.نازاربايەۆا.
ايتا كەتەتىن بولساق، داريعا نۇرسۇلتان قىزى 15 جىلدان بەرى ۇزبەي ءوتىپ كەلە جاتقان ەۋرازيالىق مەديا فورۋمنىڭ تىكەلەي ۇيىمداستىرۋشى كاتاليزاتورى. وسى جۇمىستار اياسىندا ەمف سپيكەرلەرى قاتارىندا: يسلام رەسپۋبليكاسىنىڭ ەكس-پرەزيدەنتى يران موحامماد حاتامي، اۋعانستاننىڭ 12ء-شى پرەزيدەنتى حاميد كارزاي، امەريكاندىق ديپلوماتتار ريچارد حولبرۋك پەن ريچارد پەرل، اقش-تىڭ بۇرىنعى كونگرەسسمەنى حارولد فورد، ۇلىبريتانيانىڭ سىرتقى ىستەر ەكس-مينيسترى دجەك سترو، گرەسيانىڭ تۋريزم ەكس-مينيسترى جانە پارلامەنت مۇشەسى ولگا كەفالويانني، بريتاندىق فۋتۋرولوگ رەي حامموند، ۆلاديمير پوزنەر، ماكسيم شيەۆچەنكو، ميحايل لەونتيەۆ، پيتەر لاۆەل، پولا سليەر، ستيۆەن كوۋل، نيك گوۋينگ سىندى تانىمال جۋرناليستەر، يتار-تاسس اقپاراتتىق اگەنتتىگىنىڭ جەتەكشىلەرى ۆيتاليي يگناتەنكو مەن ميحايل گۋسمان، جازۋشى شىڭعىس ايتماتوۆ، رف ۇكىمەتىنىڭ بۇرىنعى باسشىسى ەۆگەنيي پريماكوۆ، ودكب باس حاتشىسى نيكولاي بورديۋجا، اقش-تىڭ ۇلتتىق قاۋىپسىزدىك بويىنشا بۇرىنعى كەڭەسشىسى زبيگنيەۆ بجەزينسكيي جانە ت.ب. بولدى.
ال، ناقتى بيىلعى فورۋمنىڭ قاتىسۋشىلارى قاتارىندا – مەملەكەتتىك قايراتكەر، ەكس-پرەمەر-مينيستر، يتاليا پارلامەنتىنىڭ سەناتورى ماتتەو رەنسي، ب ا ق بوستاندىعى بويىنشا ەقىۇ (وبسە) وكىلى ارلەم دەزير، امەريكالىق پوليتتەحنولوگ، باراك وباما پرەزيدەنتتىگى كامپانياسىنىڭ ەكەۋىندە دە كەڭەسشى بولعان رودجەر فيسك، ۇلىبريتانيا سىرتقى ىستەر مينيسترلىگىنىڭ باسپا ءسوز حاتشىسى سايمون ماكدجي، گرۋزيانىڭ ەكس ءبىلىم ءمينيسترى حاتيا دەكانويدزە، ۆۆس تەلەارناسىنىڭ جاڭالىقتار ءبولىمىنىڭ رەداكتورى گيەۆين حيۋيتت، حالىقارالىق ساياسات بويىنشا فرانسۋز ساراپشىسى، Le Figaro گازەتىنىڭ شولۋشىسى رەنو جيرار، جاپونيانىڭ تۇراقتى ەنەرگەتيكانى دامىتۋ ينستيتۋتىنىڭ ديرەكتورى تەسۋناري ييدا، رەسەي ءجۋرناليستى، پروديۋسەر، ءارى تەلەجۇرگىزۋشى سوفيكو شيەۆاردنادزە، سەناتور، اقش-تىڭ جۇڭگو حالىق رەسپۋبليكاسىنداعى ەلشىسى ماكس باۋكاس، بۇۇ حالىقارالىق «بۇۇ – ايەلدەر» ءبولىمىنىڭ ورتالىق ازيا بويىنشا باسشىسى يلەين كونكييەۆيچدەر بولدى.
