الماتىدا ەۋرازيالىق مەديا فورۋم بارىسىندا ق ر سىرتقى ىستەر ءمينيسترى قايرات ءابدىراحمانوۆ سيريا داعدارىسىن رەتتەۋدەگى استانا پروسەسىنىڭ ءرولى تۋرالى ايتتى، دەپ جازادى Qamshy.kz

مينيستر استانا پروسەسىنىڭ بىرىگەيلىگى رەتىندە كەلىسسوزدەرگە رەسەي، يران، تۇركيا سياقتى مۇددەلى ەلدەردىڭ قاتىسىپ جاتقانىن اتاپ ءوتتى.

«نۇرسۇلتان نازاربايەۆتىڭ توراعالىعىمەن استانا پروسەسى مۇددەلى تاراپتارمەن قاتار سيريالىق وپپوزيسيانى دا قابىلداپ، ولاردىڭ اراسىندا كەلىسىم جۇرگىزۋگە تىرىسىپ جاتىر. بۇل تاراپتاردىڭ كوزقاراستارى بىر-بىرىنە قاراما-قايشى. استانا پروسەسى كەزىندە وپپوزيسيالىق تاراپ زالدان شىعىپ كەتكەنىن دە ايتۋعا بولادى. كەيىن ولار نۇرسۇلتان نازاربايەۆتى قۇرمەتتەگەندىكتەن جانە قازاقستاننىڭ وسى پروسەستەگى اشىق ءارى ايقىن بەيتاراپتىعى ءۇشىن عانا زالعا كىرەتىندىگىن ءمالىم ەتتى»، - دەدى ق.ءابدىراحمانوۆ.

استانادا جاسالعان كەلىسىم سيريا داعدارىسىن شەشۋگە، شيەلەنىس جالىنىن اازايتۋعا باعىتتالعان.

ونىڭ ايتۋىنشا، بۇل قازاقستاننىڭ ەۋروپا مەن ازيا اراسىنداعى التىن كوپىر ەكەندىگىن دالەلدەسە كەرەك.

«ءقازىر الەمدە قانداي جاعدايدى كورىپ وتىرمىز؟ ەلدەردىڭ اراسىنداعى ساياسي، اسكەري، ەكونوميكالىق باسەكە بەلەڭ الىپ بارادى. ءبىزدى حالىقارالىق ديپلوماتيالىق مادەنيەتتىڭ توقىراپ بارا جاتقاندىعى الاڭداتادى. سوعان قاراماستان قازاقستان دوستىق پەن بىرلىكتىڭ، ىنتىماقتاستىقتىڭ ۇلگىسىن كورسەتىپ وتىر»، - دەدى قايرات ءابدىراحمانوۆ.

ق ر سىرتقى ىستەر ءمينيسترى قايرات ءابدىراحمانوۆ مىرزا فورۋمنىڭ ءبىرىنشى ماجىلىسىندە: "قازاقستاننىڭ اشىقتىعى اقپارات سالاسىنداعى كەيبىر ماسەلەلەرگە توتەپ بەرىپ، تۋربۋلەنتتىك پەن بولجامسىزدىقتىڭ ارتۋى بۇقارالىق اقپارات قۇرالدارىنا مولىنان مۇمكىندىك بەرەتىنىن" ايتا كەتتى. ورتالىق ازيا مەن قازاقستاننىڭ تىنىشتىعىنا الەم بۇقارالىق اقپارات قۇرالدارى قىزىعا قارايتىنىن، ەلباسىمىز نۇرسۇلتان نازاربايەۆتىڭ سىندارلى ساياساتىنىڭ اسەرى ەكەنىن دە قايرات ءابدىراحمانوۆ مىرزا ايتتى. 

ايتا كەتۋ كەرەك، الماتىدا ورتالىق ازياداعى تاۋەلسىز ديالوگ الاڭى اتالعان ەۋرازيا مەديا فورۋمىنا 60-تان استام ەلدەن 500 دەلەگات قاتىسۋدا. القالى جيىندا ساراپشىلار مەن ساياساتكەرلەر، ەكونوميستەر مەن قوعامدىق پىكىر يەلەرى قازاقستاننىڭ، ەۋرازيانىڭ، جالپى الەمدىك قاۋىمداستىقتىڭ ەكونوميكالىق، گەوساياسي، مادەني-الەۋمەتتىك ماسەلەلەرىن تالقىلايدى. فورۋمنىڭ العاشقى كۇنى شەبەرلىك دارىستەرىنەن باستالدى.

فورۋم شەڭبەرىندە جاقىن جانە الىس شەتەلدىك، الەمدىك دەڭگەيدەگى مەديا ساراپشىلار، وسى زامانعى كوكەيكەستى ماسەلەلەر جونىندە تاقىرىپتىق دارىستەرىن وقىدى. اتاپ ايتار بولساق: "موبيلدىك جۋرناليستيكادان الەۋمەتتىك ۆيرتۋالدى شىندىققا دەيىن"، "ءقاۋىپتى ايماقتان رەپورتاج جاساۋ"، "وقشاۋ بۇقارالىق مەديا. ساندىق داۋىردەگى كونۆەرگەنتتىك جۋرناليستيكا"، "جاڭالىقتار الەمىنىڭ كەلەشەگى"، "باق-تىڭ گەندەرلىك تەپە-تەڭدىگى"، "مەديا ەۆوليۋسياسى: بلوگ سالاسىنىڭ وركەندەۋى ءقاۋىپ پە، الدە پروگرەسس پە؟" سەكىلدى تاقىرىپتاردا دارىستەر وقىلدى. ەلىمىزدەگى جۋرناليستيكا، مەديا سالاسىنا قادام باسىپ كەلە جاتقان جاستارىمىزعا تەگىن دارىستەردى الەمگە بەلگىلى يۋسۋف ومار، تيرا شۋبارت، يۆونا رايحاردت، رايان سميت، گيزەم ياربيل گۇرول سىندى تۇلعالار وقىدى.